(ភ្នំពេញ)៖ តារាសម្តែង និងជាតារាបង្ហាញម៉ូដ បុរសសង្ហារ សាច់សរ លោក អ៊ុង ច័ន្ទចក្រី នៅពេលថ្មីៗនេះបានធ្វើឲ្យតារាកិត្តិយស ៦ដួង ស្ទើរតែបាក់ចង្កេះ ព្រោះតែក្នុងនោះ មានតារា៣ដួង ជ្រើសរើសថា លោកច្រៀងពីរោះ ខណៈតារាប្រុស៣ដួងផ្សេងទៀត ថាច្រៀងមិនពិរោះ ដែលធ្វើឲ្យកម្មវិធីនេះ ក្លាយទៅជាប្រធានបទក្តៅ និងធ្វើឲ្យកម្មវិធីផ្ទុះសំណើចខ្លាំង នៅក្នុងវគ្គជ្រើសរើសយកលោកផងដែរ។
ថ្វីត្បិតតែ កម្មវិធី «I can see your voice cambodia» ជាកម្មវិធីថ្មីក៏ពិតមែន តែពីមួយវគ្គទៅមួយវគ្គសង្កេតឃើញថា មានការចាប់អារម្មណ៍ច្រើនពីទស្សនិកជន តួយ៉ាង ដូចជាថ្មីៗនេះ តារាសម្តែងបុរសសង្ហាររូបស្អាត ដែលជាតារាពន្លកថ្មី លោក អ៊ុង ច័ន្ទចក្រី បានកូរកម្មវិធីម៉ាអេម ទាំងវគ្គបញ្ចេញក្បាច់រាំ ទាំងការបកស្រាយបទចម្រៀង គឺថា ធ្វើឲ្យតារាៗ និងអ្នកទស្សនាពិបាកក្នុងការវិភាគទៅលើរូបលោក ដោយអ្នកខ្លះថា លោកច្រៀងពិរោះ ខ្លះថាលោកច្រៀងមិនពិរោះជាដើម។
ឈានមកដល់វគ្គបញ្ចេញសមត្ថភាព តារារូបនេះ បានបញ្ចេញក្បាច់រាំ យ៉ាងរស់រវើក ធ្វើពិបាកក្នុងការជ្រើសរើសថាច្រៀង ពីរោះឬអត់។ រហូតឈានដល់វគ្គច្រៀង លោកបានធ្វើឲ្យតារាកិត្តិយស លោក ណុប បាយ៉ារិទ្ធ និងតារា៥ដួងផ្សេងទៀត ស្ទើរបាក់ចង្កេះព្រោះតែលោកមិនមែនជាតារាចម្រៀងអាជីព មិនអាចច្រៀងពីរោះ នោះឡើយ។
កុំឲ្យខាតពេល ចង់ដឹងថា តើវីដេអូនៅក្នុងកម្មវិធី មានភាពកំប្លុកកំប្លែង សើចសប្បាយយ៉ាងណាខ្លះ ក្នុងកម្មវិធី «I can see your voice cambodia» ក្នុងវគ្គរើសយកលោក អ៊ុង ច័ន្ទចក្រី មានភាពសប្បាយរីករាយយ៉ាងណា សូមទស្សនាវីដេអូទាំងអស់គ្នា៖