(កូរ៉េខាងត្បូង)៖ នៅថ្ងៃទី ១២ ខែមិថុនា នេះ បណ្ដាញសារព័ត៌មាន Dispatch បានចោទប្រកាន់ទៅលើតារាចម្រៀង B.I ដែលជាសមាជិកក្រុម iKON ថា បានទិញ និងប្រើប្រាស់គ្រឿងញៀនខុសច្បាប់។ នេះបើតាមការចេញផ្សាយដោយ allkpop នៅថ្ងៃទី ១២ ខែមិថុនា ឆ្នាំ ២០១៩។

B.I បានសរសេរសារបង្ហោះនៅលើបណ្ដាញអ៊ីនស្តារក្រាមថា «នេះគឺជា Kim Han Bin។ ដំបូងខ្ញុំចង់ធ្វើការសុំទោសដោយស្មោះ សម្រាប់ការបង្កើតបញ្ហាមួយនេះឡើង ដោយសារតែអំពើអសីលធម៌របស់ខ្ញុំ។ វាជាការពិត នៅអំឡុងពេលដែលខ្ញុំតស៊ូ និងមានទុក្ខលំបាក ខ្ញុំចង់ពឹងផ្អែកលើអ្វីមួយ ដែលខ្ញុំមិនគួរបង្ហាញពីចំណាប់អារម្មណ៍នោះទេ។ ទោះជាយ៉ាងណាក្ដី សម្បីតែពេលនោះ ក៏ខ្ញុំមានភាពភ័យខ្លាចពីវា ហើយមិនអាចចូលរួមបាន។ ខ្ញុំពិតជាមានអារម្មណ៍ថាអៀនខ្មាស ហើយសុំទោសដល់អ្នកគាំទ្រ និងសមាជិកក្រុមរបស់ខ្ញុំ ដែលធ្វើឲ្យអ្នកទាំងអស់គ្នាឈឺចាប់ ដោយសារកាយវិការ និងពាក្យសំដីអសីលធម៌របស់ខ្ញុំ។ ខ្ញុំចង់ពិចារណាទោសកំហុសរបស់ខ្ញុំ និងគ្រោងដើរចេញពីក្រុម។ ជាថ្មីម្ដងទៀត ខ្ញុំពិតជាសុំទោសទៅដល់អ្នកគាំទ្រ និងសមាជិកក្រុមទាំងអស់ ខ្ញុំពិតជាសុំទោស»៕