(សុខភាព)៖ ក្រោយពពោះអស់រយៈពេល៩ខែពេញ ស្ត្រីគ្រប់រូបនៅមិនអស់តួនាទីនោះទេ គឺនៅមានបន្ទុកធ្ងន់មួយទៀត គឺការមើលថែកូន ក៏ដូចជាខ្លួនឯងឲ្យបានល្អបំផុត។ ជាពិសេសចំពោះមនុស្សស្រី ដែលទើបនឹងមានកូនលើកដំបូង ពុំទាន់មានបទពិសោធន៍គ្រប់គ្រាន់នៅឡើយទេ ដូច្នេះគួរតែស្វែងយល់ពីដំបូន្មានល្អៗមួយចំនួន ដែលអ្នកជំនាញបានបង្ហាញ។
ទី១៖ ក្រោយពេលឆ្លងទន្លេរួច ពោះរបស់អ្នកម្តាយភាគច្រើននៅតែធំ រហូតបាន២ទៅ៣ខែ ទើបរួមតូចដូចធម្មតាវិញ។ ដូច្នេះកុំបារម្ភខ្លាំងពេក អ្នកគួរតែព្យាយាមសម្រាក និងទទួលទានអាហារសម្បូរសារធាតុចិញ្ចឹម ឲ្យបានគ្រប់គ្រាន់ជាការស្រេច។
ទី២៖ ក្នុងករណីដែលស្បែករបស់ទារកមានពណ៌លឿងតិចៗ ត្រូវប្រញាប់នាំពួកគេទៅមន្ទីរពេទ្យជាបន្ទាន់ ព្រោះវាអាចជារោគសញ្ញានៃជំងឺខាន់លឿន។ ជំងឺខាន់លឿងនេះ អាចបណ្តោលមកពីខូចសរសៃប្រសាទ ដូច្នេះទារកត្រូវការការព្យាបាលឲ្យបានឆាប់។
ទី៣៖ ក្រោយពេលកុមារបានអាយុ១ខួប នៅតែបៅដោះទៀត អ្នកគួរតែចាត់វិធានការផ្តាច់ឲ្យបាន។ ព្រោះអំឡុងពេលមួយឆ្នាំនេះ វីតាមីន D នៅក្នុងទឹកដោះនឹងចុះខ្សោយ ហេតុនេះអ្នកគួរតែព្យាយាមរកអាហារណា ដែលសម្បូរវីតាមីន D ជំនួសវិញ។
ទី៤៖ ករណីមួយទៀត ប្រសិនបើកូនរបស់អ្នកកើតមានអាការកន្ទួលរមាស់នៅតំបន់គូទ កុំអាលភ័យស្លន់ស្លោរពេក នេះក៏ដោយសារតែអ្នកមិនព្រមដូរខោទឹកនោម ឬកន្ទប ចេញនៅពេលកុមារនោមច្រើនពេក ធ្វើឲ្យមានសំណើម។ ដូច្នេះ អ្នកត្រូវប្រើកន្ទបស្ងួត ឬឧស្សាហ៍ផ្លាស់ប្តូរខោទឹកនោមឲ្យទៀងទាត់៕
ប្រិយមិត្តអ្នកអានចង់ជ្រាបព័ត៌មានសុខភាព មាតា និងទារក សូមចូលទៅកាន់ហ្វេសប៊ុក Royal Ausnz Cambodia ឬគេហទំព័រ www.royalausnzcambodia.com