(ម៉ូស្គូ)៖ ក្រុមសេះបង្កង់អុីតាលី Juventus យកឈ្នះក្រុមរុស្ស៊ី Lokomotiv Moscow ក្នុងលទ្ធផល ២-១ ក្នុងការប្រកួតប្រជែងប្រចាំពូល D នៃពានរង្វាន់បាល់ទាត់លីគអឺរ៉ុប UEFA Champions Legaueគ្រាដែលគ្រាប់ជ័យជម្នះរបស់ក្រុមលោក Sarri រកបានដោយកីឡាករអន្តរជាតិប្រេស៊ីល Douglas Costa នៅនាចុងម៉ោង ដែលការប្រកួតនេះធ្វើឡើងនាថ្ងៃទី ៧ខែវិច្ឆិកា ឆ្នាំ២០១៩។
ក្រុមលោក Maurizio Sarri បានឡើងឈរកំពូលតារាងប្រចាំពូល Dក្រោយរកបាន ៣ពិន្ទុបន្ថែម ដោយយកឈ្នះម្ចាស់ផ្ទះ Lokomotiv ពីការធ្វេីបានសម្រេចដោយកីឡាករ Aaron Ramsey នៅនាទីទី៣ គ្រាដែលក្រុមលោក Yuri Semin រកបានគ្រាប់តាមស្មើវិញដោយកីឡាករ Aleksey Miranchuk នៅនាទី១២ ខណៈគ្រាប់ជ័យជម្នះរបស់ Douglas Costa ធ្វើបាននៅនាទី៩០+៣។
សម្រាប់លទ្ធផលនេះ បានធ្វើឲ្យក្រុមលោក Maurizio Sarri បានឡើងទៅវគ្គ ១៦ក្រុមចុងក្រោយ ខណៈក្រុមអេស្ប៉ាញ Atletico Madrid រកបានត្រឹមតែ ៧ពិន្ទុក្រោយបរាជ័យដោយចាញ់ក្រុម Bayern Leverkusen ក្នុងលទ្ធផល ២-១ ដែលនេះជាការប្រជែងប្រចាំពូល D នៃពាន UCL គ្រាដែលក្រុមទាំងអស់សុទ្ធតែនៅសល់ម្នាក់ ២ប្រកួតដោយក្រុម Juventus ត្រូវប៉ះ Atletico Madrid នៅប្រកួតបន្ទាប់៕