កូនប្រុសអ្នកកាសែត Khashoggi ត្រូវគេរាយការណ៍ថា ទីបំផុតបានចាកចេញពីអារ៉ាប៊ីសាអូឌីត ក្រោយជាប់គាំងលិខិតឆ្លងដែនតាំងពីប៉ុន្មានខែមុន (Video inside)
25-10-2018 22:49
(វ៉ាស៉ីនតោន)៖ កូនប្រុសច្បងរបស់លោក Jamal Khashoggi ដែលជាអ្នកកាសែតត្រូវគេធ្វើឃាតនោះ ទីបំផុតបានចាកចេញពីអារ៉ាប៊ីសាអូឌីត។ នេះបើតាមប្រភពជិតស្និទ្ធនឹងក្រុមគ្រួសារអ្នកកាសែតរូបនេះ ដកស្រង់សម្តីដោយស្ថានីយទូរទស្សន៍ CNN នៅយប់ថ្ងៃព្រហស្បតិ៍ ទី២៥ ខែតុលា ឆ្នាំ២០១៨។
កូនប្រុសច្បងរបស់លោក Jamal Khashoggi ដែលមានឈ្មោះថា Salah Khashoggi ជាបុគ្គលមានសញ្ជាតិពីរ គឺអាមេរិកនិងអារ៉ាប៊ីសាអូឌីត ហើយកន្លងមកនេះលោកមិនអាចចាកចេញពីអារ៉ាប៊ីសាអូឌីតបានឡើយ ក្រោយពីលិខិតឆ្លងដែនរបស់លោក ត្រូវបានហាមឃាត់ដោយព្រះរាជាណាចក្រនៅមជ្ឈិមបូព៌ាមួយនេះ កាលពីប៉ុន្មានខែមុន។
គួរជម្រាបថា ក្រោយការស្លាប់យ៉ាងចម្រូងចម្រាសនៃឪពុករបស់លោក លោក Salah Khashoggi កាលពីថ្ងៃអង្គារសប្តាហ៍នេះ ក៏បានជួបជាមួយព្រះអង្គម្ចាស់ស្នងរាជ្យ Mohammed bin Salman និងព្រះចៅ Salman ផងដែរ៕
