(អង់ការ៉ា)៖ ប្រធានាធិបតីតួកគី លោក Recep Tayyip Erdogan បាននិយាយនៅថ្ងៃសុក្រ (១៣ឧសភា) ថា វាមិនអាចទៅរួចទេសម្រាប់សមាជិកណាតូប្រទេសតួកគី ក្នុងការគាំទ្រផែនការដោយស៊ុយអែត និងហ្វាំងឡង់ដើម្បីចូលជាសមាជិកកតិកាសញ្ញានេះ ដោយនិយាយថា បណ្តាប្រទេស Nordic គឺជា «ផ្ទះសម្រាប់អង្គការភេរវករជាច្រើន»។ នេះបើយោងតាមការចេញផ្សាយដោយ សារព័ត៌មាន Reuters នៅថ្ងៃសុក្រ ទី១៣ ខែឧសភា ឆ្នាំ២០២២។

ទោះបីជាតួកគីបានគាំទ្រជាផ្លូវការនូវការពង្រីកសមាជិកថ្មី ចាប់តាំងពីខ្លួនបានចូលជាសមាជិកណាតូកាលពី ៧០ឆ្នាំមុនក៏ដោយ ប៉ុន្តែការបដិសេធរបស់ប្រទេសនេះ តែងតែជាបញ្ហារារាំងមិនអាចឲ្យប្រទេសស៊ុយអែត និងហ្វាំងឡង់ ចូលជាសមាជិកណាតូបាន ថ្បិតថាការបញ្ចូកសមាជិកថ្មី ទាមទារការព្រមព្រៀងជាឯកច្ឆ័ន្ទ។

លោក Erdogan បានប្រាប់អ្នកយកព័ត៌មាននៅទីក្រុងអ៊ីស្តង់ប៊ុលថា «យើងកំពុងតាមដានការវិវឌ្ឍន៍ទាក់ទងនឹងស៊ុយអែត និងហ្វាំងឡង់ ប៉ុន្តែយើងមិនមានទស្សនៈវិជ្ជមានទេ» ដោយបន្ថែមថា វាជាកំហុសសម្រាប់អង្គការ NATO ក្នុងការទទួលយកពាក្យស្នើសុំចូលជាសមាជិកនាពេលកន្លងមក៕