(ភ្នំពេញ)៖ រដ្ឋបាលជលផល នៃក្រសួងកសិកម្ម រុក្ខាប្រមាញ់ និងនេសាទ នៅថ្ងៃទី១៤ ខែមករា ឆ្នាំ២០១៩នេះ បានចេញសេចក្តីជូនដំណឹងមួយ ស្ដីពីការបិទធ្វើនេសាទត្រីកាម៉ុង សម្រាប់រដូវនេសាទ ឆ្នាំ២០១៩ ចាប់ពីថ្ងៃស្អែក ដល់ថ្ងៃទី៣១ ខែមីនា ឆ្នាំ២០១៩។

តាមសេចក្ដីជូនដំណឹង របស់រដ្ឋបាលជលផល ដែលបណ្ដាញព័ត៌មាន Fresh News ទទួលបាននៅថ្ងៃនេះ បានឲ្យដឹងថា រដូវពងកូនបន្តពូជរបស់ត្រីកាម៉ុង «ប្លាធូ» នៅក្នុងដែននេសាទសមុទ្រកម្ពុជា ចាប់ពីថ្ងៃទី១៥ ខែមករា រហូតដល់ថ្ងៃទី៣១ ខែមីនាឆ្នាំ២០១៩។

រដ្ឋបាលជលផល ​បានបញ្ជាក់ថា «អាស្រ័យហេតុនេះ សូមប្រជាពលរដ្ឋដែលប្រកបរបរនេសាទត្រីកាម៉ុង «ប្លាធូ» ទាំងអស់ នៅក្នុងដែននេសាទសមុទ្រកម្ពុជា មេត្តាបញ្ឈប់សកម្មភាពធ្វើនេសាទត្រីកាម៉ុង «ប្លាធូ» នេះ ចាប់ពីថ្ងៃទី១៥ ខែមករា រហូតដល់ថ្ងៃទី៣១ ខែមីនា ឆ្នាំ២០១៩ ជាកំហិត»

ខាងក្រោមនេះ ជាសេចក្តីជូនដំណឹង របស់រដ្ឋបាលជលផល ដែលមានខ្លឹមសារទាំងស្រុង៖