(ភ្នំពេញ)៖ សាលារាជធានីភ្នំពេញ នៅយប់ថ្ងៃទី១៣ ខែមេសា ឆ្នាំ២០២១នេះ បានប្រកាសអំពីករណីមានវិជ្ជមានកូវីដ១៩ចំនួន១២រូប ដែលមិនអាចទាក់ទងបាន។
រដ្ឋបាលរាជធានីភ្នំពេញ ស្នើសុំឲ្យអ្នកវិជ្ជមានទាំង១២នាក់ សូមទាក់ទងមកអាជ្ញាធរវិញជាបន្ទាន់ តាមលេខទូរស័ព្ទ ១២៩៩ ឬ ១១៥។
ការបង្ហាញអត្តសញ្ញាណនេះ ដើម្បីផ្តល់ជាព័ត៌មានដល់អ្នកដែលពាក់ព័ន្ធផ្ទាល់ ឬប្រយោល ទៅធ្វើតេស្តសុខភាព និងធ្វើចត្តាឡីស័ក។ ជាពិសេសត្រូវអនុវត្តន៍វិធានការសុខាភិបាលផ្សេងៗ ដើម្បីទប់ស្កាត់ការចម្លងជំងឺបន្ត។
រដ្ឋបាលរាជធានីភ្នំពេញ បានអំពាវនាវដល់ប្រជាពលរដ្ឋដែលមានប្រាស្រ័យទាក់ទងជាមួយអ្នកកើតជំងឺកូវីដ១៩ ប្រញាប់រាយការណ៍ជូនអាជ្ញាធរមូល និងរូសរាន់ទៅយកសំណាកនៅមន្ទីរពេទ្យមិត្តភាពខ្មែរ-សូវៀត មណ្ឌលសុខភាពចាក់អង្រែ វិទ្យាល័យបាក់ទូក វិទ្យាល័យបឹងត្របែក និងសាលាបឋមសិក្សាសុភមង្គល៕
