(បន្ទាយមានជ័យ)៖ លោក អាត់ ខែម សមាជិកអចិន្រ្តៃយ៍គណបក្សប្រជាជនកម្ពុជា ខេត្តបន្ទាយមានជ័យ និងជាប្រធានក្រុមការងារចុះជួយស្រុកស្វាយចេក នៅព្រឹកថ្ងៃទី២៩ ខែឧសភា ឆ្នាំ២០១៦នេះ បានអញ្ជើញចូលរួមប្រកាសអនុប្រធាន២រូបបន្ថែមទៀត ដើម្បីជួយ និងសម្រួលដល់ប្រជាពលរដ្ឋទាន់ពេលវេលា អោយបានឆាប់រហ័ស។
នាព្រឹកថ្ងៃទី២៩ ខែឧសភា ឆ្នាំ២០១៦ នៅមន្ទីរបក្សស្រុក បានប្រកាសបញ្ជូនលោកសិទ្ធ ឡោះ ជាប្រធានគណបក្សឃុំស្លក្រាម និងលោកចាប សុផាឬទ្ធិ ជាប្រធានគណបក្សឃុំស្វាយចេក។
លោក អាត់ ខែម បានថ្លែងថា បច្ចុប្បន្ននេះនៅស្រុកស្វាយចេកយើងនេះ មានទឹកភ្លៀងបណ្តើរៗហើយ តែយ៉ាងណាក្រុមការងារយើង នៅតែបន្តចុះជួយចែកទឹកអោយពលរដ្ឋដល់មូលដ្ឋានតែម្តង តបតាមការណែនាំជាប្រចាំរបស់សម្តចតេជោ ហ៊ុន សែន នាយករដ្ឋមន្រ្តី នៃកម្ពុជា និងលោកឧបនាយករដ្ឋមន្រ្តី កែ គឹមយ៉ាន ប្រធានក្រុមការងារចុះជួយខេត្ត។
ហើយនៅពេល និងមានប្រជាកសិករយើងមួយចំនួន បានកំពុងចុះភ្ជួររាស់ដីស្រែចំការបណ្តើរៗ ហើយតែយ៉ាងមិញក្រុមការងារយើង នៅបន្តសកម្មភាពចុះជួយដ៏ដែល យកចិត្តទុកដាក់ដល់ពលរដ្ឋ នៅមូលដ្ឋាន។
លោកបានបន្ថែមថា សមាជិក សមាជិការ បក្ស CPP ស្រុកស្វាយចេកគាំទ្របេក្ខភាពសម្តេចតេជោ ហ៊ុន សែន ជានាយករដ្ឋមន្ត្រី នៃកម្ពុជាអាណត្តិក្រោយៗរ ហូតជានិរន្ត ។ សមាជិក សមាជិការបក្សCPP ស្រុកស្វាយចេក ជាបក្សតែមួយគត់ដែលបានសង្គ្រោះ ជីវិតប្រជាជនពីរបបប្រល័យពូជសាសន៍។ សមាជិក សមាជិការបក្សCPP ស្រុកស្វាយចេករួមសុខទុក្ខជាមួយប្រជាជន នៅគ្រប់កាលៈទេសៈ។
ខណៈនោះដែរលោកអាត់ ខែមប្រធានក្រុមការងារ បានអញ្ជើញត្រួតពិនិត្យជីកស្រះទឹកមួយកន្លែង មានទំហំ៩៤ គុណ៩៤ម៉ែត្រ ជម្រៅ៥ម៉ែត្រ ហើយលោកក៏ជម្រុញអោយមានការស្ថាបនាស្រះទឹក ជូនប្រជាពលរដ្ឋបន្ថែមទៀត នៅក្នុងស្រុកស្វាយចេក៕
