(ភ្នំពេញ)៖ បន្ទាប់ពីទទួលបានជោគជ័យ នៃការបើកដំណើរការ President Chapter ចំនួន៧ ដោយមានការចូលរួមច្រើន ពីពាណិជ្ជករខ្មែរ ហើយនាព្រឹកថ្ងៃទី២១ ខែកក្កដា ឆ្នាំ២០១៧ BNI កម្ពុជា បានដាក់សម្ពោធ President Chapter ទី៨ របស់ខ្លួនជាផ្លូវការដែលការដាក់សម្ពោធនេះ ធ្វើឡើងដើម្បីជួយជម្រុញបន្ថែម ដល់ពាណិជ្ជករក្នុងប្រទេសកម្ពុជាឲ្យកាន់តែមាន ភាពរីកចម្រើនផ្នែកអាជីវកម្មបន្ថែមទៀត។
សម្រាប់ការដាក់សម្ពោធជាផ្លូវការរបស់ President Chapter ធ្វើឡើងក្នុងគោលបំណង ដាក់បញ្ជូល Chapter ទៅក្នុងប្រព័ន្ធ BIN ពិភពលោក ដើម្បីជួយពង្រីកអាជីវកម្មរបស់សមាជិក តាមរយៈការធ្វើទីផ្សារនិយាយតៗគ្នា បង្កើនចំណងមិត្តភាពយូរអង្វែង រវាងសមាជិកពង្រឹកចក្ខុវិស័យរបស់ BNI។
លោក ឡុក ស្មិតសាមឌី ប្រធាន BNI កម្ពុជាបានបញ្ជាក់ឲ្យដឹងថា BNI នេះបង្កើតឡើងដើម្បីជួយពាណិជ្ជករក្នុងស្រុកឲ្យមានភាពរីកចម្រើន តាមរយៈការផ្តល់ឱកាសអាជីវកម្ម ជូនគ្នាទៅវិញទៅមក និងអាចពង្រីកអាជីវកម្មរបស់ខ្លួនឱកាន់តែធំជាងមុនប្រកបដោយគុណភាព និងគុណតម្លៃ។ ជាងនេះទៅទៀត BNI កម្ពុជា ក៏បានចូលរួមជាមួយរាជរដ្ឋាភិបាល ក្នុងការផ្តល់ឱកាសការងារដល់ពលរដ្ឋខ្មែរជាង២០០០កន្លែងទៀតផងដែរ។
លោកបញ្ជាក់បន្ថែមទៀតថា មកដល់បច្ចុប្បន្ននេះ BNI បានទទួលជោគជ័យយ៉ាងត្រចេះចង់ ដែលរួមមានស Chapters ចំនួន៨, មានឱកាសអាជីវកម្ម ៣០,២៣៤ មានចំណូលសរុបចំនួន៣៥,៩៩៨,៣៣១ សមាជិកចំនួន៣៨០នាក់ និងបង្កើតការងារជូនសង្គមជាង២ពាន់កន្លែងទៀតផងដែរ។
សូមបញ្ជាក់ថា BNI គឺជាបណ្ដាញធុរកិច្ចអន្ដរជាតិ ដែលបង្កើតឡើងដោយ Dr Ivan Misner ក្នុងឆ្នាំ១៩៤៥ នៅសហរដ្ឋអាមេរិក គិតមកដល់បច្ចុប្បន្ននេះ មាន៧៣ ប្រទេស និងមានសមាជិកចំនួន២២ម៉ឺននាក់៕
