(ភ្នំពេញ)៖ គិតត្រឹមវេលាម៉ោង១២៖០០នាទីថ្ងៃអាទិត្យ ទី២៩ ខែកក្កដា ឆ្នាំ២០១៨នេះ សន្ទុះចំនួននៃអ្នកទៅចូលរួមបោះឆ្នោតមានការកើនឡើងយ៉ាងខ្លាំង ខណៈខេត្តចំនួន១៣ត្រូវបានបង្ហាញតួលេខបណ្តោះអាសន្ន នេះបើយោងតាមលោក ឌឹម សុវណ្ណារុំ អ្នកនាំពាក្យ គ.ជ.ប ដែលថ្លែងប្រាប់ Fresh News នៅមុននេះបន្តិច។

ទោះជាយ៉ាងនេះក្តី ការបោះឆ្នោតមិនទាន់បញ្ចប់នៅឡើយទេ ដោយបន្តរហូតដល់ម៉ោង៣៖០០រសៀល ខណៈដែលប្រជាពលរដ្ឋ ដែលមានឈ្មោះនៅក្នុងបញ្ជីបោះឆ្នោត កំពុងតែបន្តទៅបោះឆ្នោតជាបន្តបន្ទាប់ ដើម្បីបំពេញកាតព្វកិច្ចក្នុងនាមប្រជាពលរដ្ឋដ៏ល្អម្នាក់។ ខាងក្រោមនេះជាតួលេខបណ្តោះអាសន្ននៃចំនួនអ្នកទៅបោះឆ្នោត៖

ទី១៖ រាជធានីភ្នំពេញ ៥​៩.៦៣ភាគរយ
ទី២៖ ខេត្តកំពង់ធំ ៥៣.៤១ភាគរយ
ទី៣៖ ខេត្តកោះកុង ជាង៥៩ភាគរយ
ទី៤៖ ខេត្តសៀមរាប ជាង៥៥ភាគរយ
ទី៥៖ ខេត្តស្វាយរៀង ៦៣.៨៣ភាគរយ
ទី៦៖ ខេត្តមណ្ឌលគិរី ​៦៩ភាគរយ
ទី៧៖ ខេត្តរតនគិរី ជាង៥០ភាគរយ
ទី៨៖ ខេត្តពោធិ៍សាត់ ៦២.១១ភាគរយ​
ទី៩៖ ខេត្តកណ្ដាល ៦៣.៧០ភាគរយ
ទី១០៖ ខេត្តកែប ៧០.៧៣ភាគរយ
ទី១១ ខេត្តបន្ទាយមានជ័យ ៦០.៦២ភាគរយ
ទី១២៖ ខេត្តបាត់ដំបង ៥៨.៥៩ភាគរយ
ទី១៣៖ ខេត្តកំពង់ឆ្នាំង ៦៣ភាគរយ

ចំពោះខេត្តដទៃទៀត គឺមានតុល្យភាពចំនួននៃអ្នកទៅបោះឆ្នោតលើស៥០ភាគរយ នេះបើតាមការបញ្ជាក់ពីលោក ឌឹម សុវណ្ណារុំ។ សូមតាមដានព័ត៌មានបន្ថែមទៀតជាមួយ Fresh News៕