(វ៉ាស៊ីនតោន)៖ លោក John Boehner តំណាងរាស្ត្រប្រចាំរដ្ឋ Ohio របស់គណបក្សសារធារណៈរដ្ឋ ដែលទទួលបានសម្លេងគាំទ្រ​ជាច្រើនសន្ធឹកសន្ធាប់កាលពីឆ្នាំ២០១០កន្លងទៅនេះ បានថ្លែងក្នុងសន្និសិទ្ធសារព័ត៌មានថា លោកនឹងលាលែងពីដំណែង​ក្នុងសភា នេះបើយោងតាមសារព័ត៌មាន CNN ចេញផ្សាយនៅថ្ងៃទី២៦ ខែកញ្ញា ឆ្នាំ២០១៥នេះ។

លោកនឹងលាលែងពីដំណែងក្នុងនាមជាអ្នកនាំពាក្យ ព្រមទាំង​ចាកចេញពីសភានៅចុងខែតុលាខាងមុខ។ សូមជម្រាបថា តំណាងរាស្ត្ររដ្ឋ Ohio រូបនេះ ត្រូវបានគេស្គាល់កាន់តែច្បាស់ បន្ទាប់ពីមានវិវាទជាមួយក្រុមអភិរក្សនិយម ជាពិសេស​លើបញ្ហាគោលនយោបាយហិរញ្ញវត្ថុ។

លោកធ្លាប់​ជម្នះរហូតចេញសេចក្តីសម្រេច​ពាក់ព័ន្ធ នឹង​បរិមាណប្រាក់កម្ចី ដែលវានឹងបង្កជាវិបត្តិ​នៅសប្តាហ៍ក្រោយនេះ រហូតអាចធ្វើឲ្យរដ្ឋាភិបាល​អាម៉េរិកបិទត្រូវទ្វា ប្រសិនបើគ្មានដំណោះស្រាយ៕