(ភ្នំពេញ)៖​ រំភើបជំនួស​ ស្រីស្អាតម្ចាស់​ ហាងកាបូប​ Tops brand​ និងជាម្ចាស់​ ក្រុមហ៊ុនផលិតផល​ ម៉ាក​ T&L Natural ​ អ្នកនាង​ Theara leang​ ត្រូវបានស្វាមីបណ្តូលចិត្ត​ ធ្វើអោយភ្ញាក់ផ្អើលក្នុងថ្ងៃពិសេស​ ធ្វើឲ្យអ្នកនាងរំភើបហួសថ្លែង​ ព្រោះតែរយៈពេលជិត១០ឆ្នាំហើយ​ ស្វាមីមិនដែលធ្វើរឿងភ្ញាក់ផ្អើលនេះអោយទេ។

បើតាមសារនិងវីដេអូដែល​ អ្នកនាងបង្ហោះនៅលើ​ បណ្តាញទំនាក់ទំនងសង្គម​ បានសរសេរបង្ហាញពីអារម្មណ៍រំភើប ផ្អែមល្ហែមលាយឡំកំប្លែង​ ធ្វើឲ្យមហាជនច្រណែនមិនតិចទេ​ ក្នុងសារអ្នកនាងបានសរសេរថា​ «ប្ដីអូន ៗៗៗៗៗៗៗៗៗៗៗ ​លេងមួយក្បាច់នេះចាំម៉ាជីវិត ខ្ញុំភ័យបុកពោះណាស់ អែងអត់ដឹងធ្វើមុខឡើងភ្លឺ ភ័យផង សប្បាយចិត្តផង ត្រជាក់​ដៃជើង សរសេរអក្សរខុសរហូត ១០០អាយូសមកហើយ មិនដែលទេលោកអើយ ហៅតែស្ពៃក្រៀម ចុះលើកនេះចេញម៉ោអីសាហាវម៉េះ អូនបន្ទោសរហូត អារឿងទិញអីអោយត្រូវតែសួរអូនមុន ចាំទិញ! មែន! មិនដែលចេះ ទេអារឿងចឹង ក៏មិនដែល អន់ចិត្តប្ដីមិនចេះស្វីតដែរ និយាយបណ្ដើរ យំបណ្ដើរហើយ»។

អ្នកនាងបានបន្ថែមថា​ «អរគុណ អរគុណ អរគុណ ទោះបងធ្វើចឹងដឹងតែត្រូវអូនស្ដីអោយ ហ៊ានទិញមិនខ្លាចត្រូវមាត់ ប៉ុន្តែអូនចង់ប្រាប់ថា កាបូបនឹងពេញចិត្តអូន១០០ទំហឹងហើយ ស្រលាញ់ខ្លាំង មិនដែលដាច់ចិត្តទិញទ ព្រោះថ្លៃ ប្ដីអើយប្ដី ត្រជាក់ចុងដៃ ចុងជើងអស់ហើយ កើតអីថ្ងៃនឹង? យប់នេះ​ សុំរំភើបខ្លាំងតិចហើយ ព្រោះតាំងពីស្គាល់មកដល់ឥឡូវ ជាង៩ឆ្នាំហើយ គ្នាបានតែម្ដងនឹងអោយគត់ អារម្មណ៍វ៉ល់ៗអស់ អត់ដឹងនិយាយថាម៉េចទៀតទេ
ចុងក្រោយអូនសុំសួរបញ្ជាក់ កាបូបនឹងយកពីហាងអូន មកអោយអូនមែន? ព្រោះកាបូបនឹងទើបចូលស្តុកថ្ងៃមិញ២ពណ៌ សួរគិតតែពីសើចហ៊ាស្ពៃក្រៀម លេងសើចទេអី»។

កុំអោយខាតពេលទស្សនាវីដេអូទាំងអស់គ្នា​ ចង់ដឹងថាផ្អែមល្ហែមកម្រិតណា​ សូមទស្សនាទាំងអស់គ្នា៖