(ភ្នំពេញ)៖ Facebook ផ្លូវការរបស់ សម្តេចតេជោ ហ៊ុន​ សែន នាយករដ្ឋមន្រ្តីនៃកម្ពុជា​ ត្រូវបានក្រុមឧក្រិដ្ឋកម្មបច្ចេកវិទ្យា Hack ហើយ នៅវេលាម៉ោងជិត១២៖០០ ថ្ងៃត្រង់ ថ្ងៃទី២៥ ខែកុម្ភៈ ឆ្នាំ២០១៩នេះ បន្ទាប់ពីពួកគេលួចចូល ហើយលុបទិន្នន័យជាបន្តបន្ទាប់។

សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា បានបញ្ជាក់អំពីការចូល Hack នេះដល់លោក លឹម ជាវុត្ថា ស្ថាបនិកនិងជានាយកប្រតិបត្តិរបស់ Fresh News។

ក្រុមឧក្រិដ្ឋកម្មបច្ចេកវិទ្យាបានសរសេរនៅលើ Facebook ផ្លូវការរបស់សម្តេចតេជោ យ៉ាងដូច្នេះថា៖ «ក្រុមហ៊ុន ហ្វេសប៊ុក បានលុប និងព្យាយាមបិទគណនីរបស់ខ្ញុំ។ តែខ្ញុំ ហ៊ុន សែន សូមប្រាប់ទៅវិញថា "បើអ្នកឯងហ៊ានបិទហ្វេសប៊ុករបស់ខ្ញុំ ខ្ញុំនិងបិទលែងឲ្យប្រើហ្វេសប៊ុកនៅស្រុកខ្មែរ»។

សូមបញ្ជាក់ថា នៅព្រឹកថ្ងៃទី២៥ ខែកុម្ភៈ ឆ្នាំ២០១៩នេះ ទំព័រ Facebook ផ្លូវការរបស់សម្តេចតេជោ ត្រូវបានជនអនាមិកចូលទៅលុបទិន្នន័យជាបន្តបន្ទាប់៕