(ភ្នំពេញ)៖ អគ្គនាយិកាក្រុមហ៊ុន Theara Leang Co.,LTD លោកស្រី លាង ធារ៉ា ដែលមានងារជាជំទាវរូបស្អាត និងជាស្ត្រីលាក់មុខ ក្នុងការជួយបណ្តុះបណ្តាលស្ត្រីឲ្យមានភាពក្លាហាន បោះជំហានឆ្ពោះទៅរកភាពជោគជ័យ ជារឿយៗពី១ឆ្នាំទៅ១ឆ្នាំ ឲ្យតែលោកស្រីទៅលេងប្រាសាទអង្គរវត្ត នាខេត្តសៀមរាប លោកស្រីមិនដែលមេីលរំលងពីការស្លៀកឈុតបុរាណ ដេីរបង្អួតភ្នែកភ្ញៀវទេសចរណ៍ជាតិ និងអន្តរជាតិនោះទេ គឺលោកស្រីតែងតែដឹកនាំស្ត្រីៗស្លៀកឈុតបុរាណ។
ដោយឡែកសម្រាប់ឆ្នាំនេះ គឺថ្ងៃទី១៩ ខែកក្កដា ឆ្នាំ២០២០នេះ ក្រុមហ៊ុនផលិតផល T&L ដឹកនាំដោយលោកស្រី លាង ធារ៉ា ជាអគ្គនាយការ និងអ្នកនាង ឃុត ចាន់ត្រា តំណាងធំរបស់ក្រុមហ៊ុន បានរៀបចំការជួបជុំស្រ្តី ៣៦០នាក់ បង្វឹកពីការលក់នៅ សណ្ឋាគារ Le Meridien Angkor និងស្លៀកសំលៀកបំពាក់បុរាណខ្មែរដេីរនៅប្រាសាទផ្អេីលអស់ខេត្តសៀមរាប។
បេីតាម លោកស្រី លាង ធារ៉ា បាននិយាយនូវសារខ្លី ចេញពីចិត្តថា «ឆន្ទៈរបស់ខ្ញុំធំលើសពីការយល់ឃើញសាមញ្ញក្នុងភ្នែកបុគ្គល សាមញ្ញ តែវាអស្ចារ្យក្នុងគំនិតរបស់បុគ្គលអស្ចារ្យ ដែលអាចមើលឃើញតែប៉ុណ្ណោះ ស្ត្រី ជាឆ្អឹងខ្នងគ្រួសារ ស្ត្រី ជាឆ្អឹងខ្នងសង្គមជាតិ»។
នាពេលកន្លងមក លោកស្រី លាង ធារ៉ា ធ្លាប់បានរៀបចំកម្មវិធីជាច្រេីន ក្នុងការចូលរួមចំណែកបណ្តុះបណ្តាលជួយ ដល់ស្ត្រីៗអោយមានការវិវត្តន៍ខ្លួនទៅមុខ មានភាពរឹងមាំ និងក្លាយទៅជាស្ត្រីជោគជ័យមិនតិចនោះទេ ហេីយលោកស្រីក៏ត្រូវបានសមាជិក តំណាងចែកចាយទាំងអស់ គោរពស្រលាញ់ ថែមទាំងយកធ្វេីជាស្ត្រីគំរូរបស់ពួកគាត់ផង។ លោកស្រី លាង ធារ៉ា បានបន្តបណ្តុះបណ្តាលបង្វឹកស្ត្រីៗជាច្រេីន ដែលមិនមានភាពរឹងមាំ មិនទាន់មានគោលជំហរឈរដោយខ្លួនឯង អោយចេះរកស៊ី និងស្របតាមគោលការរបស់រាជរដ្ឋាភិបាល គាំទ្រនិងលេីកស្ទួយស្ត្រី ដោយលោកស្រីរ៉ាបរងការចំណាយទាំងអស់ មិនដែលអោយអ្នកចូលរួមចំណាយថវិកា ឬចំណាយថវិកាទិញសំបុត្រចូលរួមនោះទេ គឺបេីកឱកាសឲ្យស្ត្រីទាំងអស់៕
