(ភ្នំពេញ)៖ ពិធីការិនី កញ្ញា ណាណា ក្រោយពីបើកជំនួញមានភាពរីកចម្រើន ដោយហាងសាឡននាងបើកត្រឹមរយៈពេល៣ខែប៉ុណ្ណោះតែជោគជ័យដល់ថ្នាក់ នាងនាំប្រេនចូលមកលក់ខ្លួនឯង ហើយនិងមានបន្ថែមការនាំចូលផលិតផលផ្សេងទៀត ឆាប់ៗនេះ។
កញ្ញា ណាណា បានប្រាប់ឲ្យដឹងថា ដោយសារតែទទួលបានជោគជ័យ ទាំងសាឡន និងផលិតផលដែលនាំចូលផ្តាច់មុខដោយនាងផ្ទាល់ម៉ាក RN ធ្វើឲ្យនាងមានកំលាំងចិត្តបន្តការនាំចូលផលិតផលផ្សេងៗបន្តបន្ទាប់ ព្រោះនាងគិតថា ជារឿងធម្មតាទៅហើយសុភាពនារី តែងចង់មានសម្រស់ស្អតហើយបានជ្រើសរើស ផលិតផល RN ទៅប្រើហើយមានប្រសិទ្ធិភាព។
ទន្ទឹមទៅនិងជំនួញកំពុងតែជោគជ័យ តារាស្រីរូបនេះបន្តថា នាងមិនមានបំណងបោះបង់អាជីព ពិធីការិនីចោលទេ ពោលនាងនៅតែស្រលាញ់ ហើយនិងឆ្លៀតពេលបប្តការងារនេះឲ្យមានលំនឹងបន្តទៀត។ ហើយជំនួញវិញបើទៅមុខកាន់តែជោគជ័យ នាងនឹងបន្តនាំចូលផលិតផលច្រើន ឬអាចពង្រីកសាខាបន្ថែម៕
