(ភ្នំពេញ)៖​ បេក្ខជន​បុរសសង្ហារ​ ដែលអាចបកស្រាយបានទាំងបទជាតិ​ និងអន្តរជាតិ​ Austin​ (អូស្ទីន)​ មកពីក្រុម POP Style នៅក្នុងកម្មវិធី​ The melody របស់ទូរទស្សន៍​បាយ័ន​ នៅពេលថ្មីៗនេះ​ បានចេញមុខទំលាយអាថ៌កំបាំង​ ដែលខ្លួនបោះជំហ៊ាន​ ចូលប្រឡងក្នុងកម្មវិធី​ ទាំងដែលខ្លួនមិនដែលគិតនិងស្រមៃកន្លងមក។

ជារឿងមួយដែលគួឲ្យភ្ញាក់ផ្អើល​ និងសរសើរពីការតស៊ូទាំងអារម្មណ៍ឈឺចាប់​ របស់​ បេក្ខជន​ Austin​ (អូស្ទីន)​ ដែលសុខចិត្ត​ ចូលទៅប្រឡងក្នុងកម្មវិធី​ "The melody"​ ដោយមិនបានព្រាងទុក​ ត្រឹមតែជាតួជំនួសប៉ុណ្ណោះ។

នៅក្នុងកិច្ចសម្ភាសន៍​ ក្នុងកម្មវិធីព័ត៌មានកម្សាន្ត​ របស់ទូរទស្សន៍​ BTV​ បេក្ខជន​ Austin​ (អូស្ទីន)​ បានទម្លាយអាថ៌កំបាំង​ ប្រាប់ពិធីការិនី​ កញ្ញា​ ហួន​ ពេជ្ររតនៈ​ និងបើកចិត្តបង្ហាញការពិតដល់ទស្សនិកជន​ ថា​ លោកមិនដែល​មានក្តីស្រមៃ​ ចង់ក្លាយជាតារាចម្រៀងឡើយ​ ហើយលោកត្រឹមតែជាអ្នកជូន​ អតីតសង្សារមកប្រឡងតែប៉ុណ្ណោះ ប៉ុន្តែដោយសារតែអតីតសង្សាររបស់លោក​ បានបែកពីលោក​ ស្របពេលដែលកំពុងតែដំណើរការ​ នៃការប្រឡងក្នុងកម្មវិធី​ "The melody"​ លោកក៏សម្រេចចិត្តចូលប្រឡងជំនួស​ ទាំងដែលអារម្មណ៍កំពុងតែឈឺចាប់​ ហើយលោកក៏បានយកបទ​ ដែលតាក់តែងនិពន្ធខ្លួនឯង​ រៀបរាប់ពីស្នេហារបស់លោក​ អារម្មណ៍ឈឺចាប់មកចូលរួមប្រកួតប្រជែង​ ពីមួយវគ្គទៅមួយវគ្គ​ រហូតជោគជ័យដល់ថ្ងៃនេះ។

ដូច្នេះចង់ដឹងថា​ បេក្ខជន​រូបនេះ​ រៀបរាប់អ្វីខ្លះនៅក្នុងកិច្ចសម្ភាសន៍​ សូមទស្សនា​វីដេអូ​ខាងក្រោម៖