(ភ្នំពេញ)៖ ឧកញ៉ាឱសថបណ្ឌិត ហៃ លីអ៊ាង ប្រធានអគ្គនាយក Confirel & PPM Group បានលើកឡើងថា ការបង្កើតកេរ្តិ៍ឈ្មោះផលិតផល (BRAND) ដែលមានគុណភាព គឺជាគន្លឹះក្នុងការជំរុញការនាំចេញ ខណៈបច្ចុប្បន្ន កម្ពុជាមានផលិតផលច្រើន ដែលប្រទេសដទៃមិនមាន។

ការលើកឡើងបែបនេះ ធ្វើឡើងក្នុងឱកាសដែល ឧកញ៉ាឱសថបណ្ឌិត ហៃ លីអ៊ាង អញ្ជើញចូលរួមក្នុងកិច្ចពិភាក្សាលើប្រធានបទ៖ «យន្តការ​ជំរុញ​ការ​នាំចេញ​ផលិតផលរបស់កម្ពុជា​ទៅទីផ្សា​អឺរ៉ុប» ក្នុងកម្មវិធី FRESH BUSINESS។

ឧកញ៉ាឱសថបណ្ឌិត ហៃ លីអ៊ាង បានបញ្ជាក់យ៉ាងដូច្នេះថា «ឥលូវនេះ យើងមានផលិតផលច្រើន ដែលគេអត់មាន ដែលធ្វើយ៉ាងម្ដេច ឲ្យមានគ្រប់គ្រាន់សម្រាប់ទីផ្សារ ធ្វើយ៉ាងម្ដេច ឲ្យគុណភាពល្អ ដើម្បីបង្កើតជា BRAND​ មួយ»។

បន្ថែមពីនោះទៀត ឧកញ៉ាឱសថបណ្ឌិត ហៃ លីអ៊ាង បានលើកឡើងថា ការនាំចេញ មិនមែនស្ថិតទៅលើតែអ្នកនាំចេញមួយទេ គឺខ្មែរយើងទាំងអស់ ត្រូវចូលរួម ដើម្បីធ្វើម្ដេចលើកតម្កើន ខណៈភ្ញៀវទេសចរទិញផលិត ក៏ជាការនាំចេញផងដែរ៕

ខាងក្រោមនេះ ជាវីដេអូនៃការលើកឡើងទាំងស្រុង របស់ឧកញ៉ាឱសថបណ្ឌិត ហៃ លីអ៊ាង៖