(ភ្នំពេញ)៖ សមាគមប្រជាពលរដ្ឋខ្មែរក្រោមនៅកម្ពុជា មានលោក សឿង សុធានី ជាប្រធាន និងជាតំណាងឱ្យពលរដ្ឋខ្មែរក្រោមកំពុងរស់នៅក្នុងប្រទេសកម្ពុជា សម្តែងនូវអំណរសាទរឥតឧបមាគោរពជូននូវសព្ទសាធុការពរជ័យ បវរសួស្តី សិរីមង្គល វិបុលសុខ មហាប្រសើរគ្រប់ប្រការជូនសម្តេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភា និងជាប្រធានក្រុមឧត្តមប្រឹក្សាផ្ទាល់ព្រះមហាក្សត្រ នៃព្រះរាជាណាចក្រកម្ពុជា និងសម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន សូមបានសមប្រកបដោយសុខភាពល្អបរិបូរណ៍ កាយពលរឹងមាំខ្លាំងក្លា បញ្ញាញាណភ្លឺថ្លាត្រចះត្រចង់ ជន្មាយុយឺនយូរ និងចាកផុតពីរោគាព្យាធិនានាជាអង្វែងតរៀងទៅ។
ឆ្លៀតក្នុងឱកាសដ៏មង្គលាភិរម្យឧត្ដុង្គឧត្ដមប្រសើរថ្លៃថ្លានេះ លោក សឿង សុធានី ព្រមទាំងសមាជិក សមាជិកាសមាគម ក៏ដូចជាពលរដ្ឋខ្មែរក្រោមរស់នៅកម្ពុជា គោរពសម្ដែងនូវកតញ្ញូតាធម៌
និងកតវេទិតាធម៌យ៉ាងស្មោះស្ម័គ្រ ប្រកបដោយមនោសញ្ចេតនាគោរពស្រឡាញ់ដ៏ជ្រាលជ្រៅបំផុត ជូនចំពោះសម្តេចអគ្គមហាសេនាបតីតេជោ ដែលកាលនៅជានាយករដ្ឋមន្ត្រី បានខិតខំប្រឹងប្រែងយកអស់ពីកម្លាំងកាយចិត្ត ប្រាជ្ញា ស្មារតី និងបទពិសោធប្រកបដោយគតិបណ្ឌិតដ៏ឈ្លាសវៃឧត្តុង្គឧត្តម ក្នុងការដឹកនាំនាវាកម្ពុជាទទួល បាននូវសុខសន្តិភាពពេញលេញលើផ្ទៃប្រទេស ស្តារ និងអភិវឌ្ឍប្រទេសពីគំនរផេះផង់ ធានាបានឯកភាពជាតិ បូរណភាពទឹកដី ស្ថិរភាពនយោបាយ សន្តិសុខសង្គម និងសណ្តាប់ធ្នាប់សាធារណៈ លើកកម្ពស់សេដ្ឋកិច្ច កាត់បន្ថយភាពក្រីក្រ និងមានការអភិវឌ្ឍរីកចម្រើនលើគ្រប់វិស័យ ព្រមទាំងការថែរក្សាសុខសន្តិភាពឱ្យបានស្ថិតស្ថេរគង់វង្ស សំដៅលើកកម្ពស់កិត្យានុភាពជាតិ ឱ្យទទួលបានលទ្ធផលផ្លែផ្កាជាប្រវត្តិសាស្ត្រ គឺសុទ្ធតែជាសមិទ្ធផលដ៏ធំធេង ដែលកើតចេញពីមគ្គុទ្ទេសក៍ដឹកនាំប្រកបដោយចក្ខុវិស័យវែងឆ្ងាយ និងជាទីមោទនៈបំផុតរបស់សម្តេចអគ្គមហាសនាបតីតេជោ ជាពិសេសក្នុងការបន្តដឹកនាំស្ថាប័នព្រឹទ្ធសភានៃព្រះរាជាណាចក្រកម្ពុជា ឱ្យសម្រេចបានស្នាដៃដ៏ត្រចះត្រចង់ថ្មីៗជាច្រើនថែមទៀត ក្រោមម្លប់នៃសន្តិភាព។ ជាពិសេសជាងនេះទៅទៀតសម្ដេចតែងតែគិតគូរដល់សុខទុក្ខដល់ប្រជាពលរដ្ឋខ្មែរក្រោម ដែលរស់នៅកម្ពុជា ក៏ដូចជាមានមនោសញ្ចេតនាយ៉ាងជ្រាលជ្រៅដល់បងប្អូនខ្មែរក្រោមដែលរស់លើទឹកដីខ្មែរក្រោម។
លោក សឿង សុធានី ព្រមទាំងសមាជិក សមាជិកាសមាគម សូមលើកហត្ថបួងសួងដល់វត្ថុស័ក្តិសិទ្ធិទាំងឡាយក្នុងលោក គុណបុណ្យព្រះ រតនត្រ័យ គុណកែវទាំងបី បុណ្យបារមីដែលថែរក្សាប្រាង្គប្រាសាទអង្គរ ជាពិសេសទេវតាថែរក្សាឆ្នាំថ្មី ឆ្នាំ ម្សាញ់ សប្តស័ក ព្រះនាម គោរាគៈទេវី សូមតាមជួយថែរក្សាការពារ អភិបាល ប្រោះព្រំនូវសព្ទសាធុការពរជ័យគ្រប់ប្រការ សូមសម្ដេចអគ្គមហាសនាបតីតេជោ និងសម្តេចកិត្តិព្រឹទ្ធបណ្ឌិត ព្រមទាំងក្រុមគ្រួសារជាទីស្រឡាញ់ បានសមប្រកបដោយពុទ្ធពរ និងពរដ៏ប្រសើរថ្លៃថ្លាទាំង៤ប្រការ គឺអាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ៕
