(តូក្យូ)៖ ប្រព័ន្ធផ្សព្វផ្សាយក្នុងស្រុកបានរាយការណ៍ថា ប្រទេសជប៉ុនគ្រោងនឹងចំណាយទឹកប្រាក់រហូតដល់ ៤៨៨ពាន់លានដុល្លាអាមេរិកលើកញ្ចប់ជំរុញសេដ្ឋកិច្ច ដែលត្រូវបានរៀបចំឡើងដើម្បីស្តារសេដ្ឋកិច្ចឡើងវិញ ក្រោយផលប៉ះពាល់នៃជំងឺកូវីដ១៩។ នេះបើយោងតាមការចេញផ្សាយដោយ ទីភ្នាក់ងារសារព័ត៌មានស៊ីនហួរ នៅថ្ងៃព្រហស្បតិ៍ ទី១៨ ខែវិច្ឆិកា ឆ្នាំ២០២១។

កញ្ចប់ថវិកាជំរុញនេះច្រើនហួសការរំពឹងទុក ដោយសារតែរដ្ឋាភិបាលរបស់នាយករដ្ឋមន្ត្រីថ្មីលោក Fumio Kishida គ្រោងនឹងបង្កើនការគាំទ្រសម្រាប់គ្រួសារ និងក្រុមហ៊ុន។

វិធានការសំខាន់ៗរួមមានដូចជាការផ្តល់ជូន ១០០,០០០យ៉េន ៨៧៥ ដុល្លារអាមេរិក)ជាសាច់ប្រាក់ និងប័ណ្ណទូទាត់សម្រាប់កុមារដែលមានអាយុចាប់ពី១៨ឆ្នាំ ឬក្មេងជាងនេះ ការដំឡើងប្រាក់ឈ្នួលសម្រាប់គិលានុបដ្ឋាយិកា និងបុគ្គលិកថែទាំ និងជំនួយហិរញ្ញវត្ថុរហូតដល់២.៥លានយ៉េន (២១,៩០០ដុល្លារអាមេរិក)សម្រាប់ក្រុមហ៊ុនតូចៗដែលទទួលរងពីជំងឺរាតត្បាត។

រដ្ឋាភិបាលជប៉ុនសង្ឃឹមថា នឹងអាចអនុម័តថវិកាបន្ថែមមួយនៅក្នុងសម័យប្រជុំ ពិសេសនៃសភា ដែលនឹងធ្វើនៅមុនដំណាច់ឆ្នាំនេះ ដើម្បីផ្តល់ថវិកាដល់ផែនការថវិកា ដែលត្រូវ បានគេរំពឹងថា នឹងមានចំនួន៣១,៩ពាន់ ពាន់លានយ៉េន (២៧៩ពាន់លានដុល្លារ)៕