(ញូវដេលី)៖ មន្ត្រីការពារជាតិឥណ្ឌា នៅថ្ងៃពុធនេះបាននិយាយថា ឥណ្ឌានិងចិនបានបញ្ចប់ការដកកងទ័ពទាំងស្រុងចេញពីចំណុចប្រឈមមុខគ្នា ចំនួន ២កន្លែង នៅលើព្រំដែនហិម៉ាឡៃក្នុងទឹកដីឥណ្ឌា នៃរដ្ឋ Ladakh។ នេះបើយោងតាមការចេញផ្សាយ ដោយទីភ្នាក់ងារសារព័ត៌មានចិនស៊ិនហួរ នៅថ្ងៃទី៣០ ខែតុលា ឆ្នាំ២០២៤។

ការដកទ័ពនេះ ធ្វើឡើងបន្ទាប់ពីប្រទេសទាំងពីរ បានឈានដល់កិច្ចព្រមព្រៀងមួយ កាលពីសប្តាហ៍មុន ដើម្បីបញ្ចប់ការជាប់គាំងផ្នែកយោធាដែលមានរយៈពេល ៤ឆ្នាំ។ កិច្ចព្រមព្រៀងនេះ ត្រូវបានគេរំពឹងថា នឹងជួយធ្វើឱ្យប្រសើរឡើង នូវទំនាក់ទំនងរវាងឥណ្ឌានិងចិន៕