(ភ្នំពេញ)៖ គណៈកម្មាធិការជាតិរៀបចំការបោះឆ្នោត (គ.ជ.ប) នឹងរៀបចំកិច្ចប្រជុំផ្សព្វផ្សាយជាមួយភាគីពាក់ព័ន្ធតាមប្រព័ន្ធវីដេអូអនឡាញ (កម្មវិធី Microsoft Teams)។ នេះបើតាមសេចក្តីជូនដំណឹងដែលបណ្តាញព័ត៌មាន Fresh News ទទួលបាននៅថ្ងៃទី១៦ ខែកញ្ញា ឆ្នាំ២០២១នេះ។

កិច្ចប្រជុំនេះ នឹងប្រព្រឹត្តទៅនៅថ្ងៃទី២២ ខែកញ្ញា ឆ្នាំ២០២១ នៅទីស្តីការ គ.ជ.ប វេលាម៉ោង១០៖០០នាទីព្រឹក ក្រោមអធិបតីភាពលោក នុត សុខុម អនុប្រធាន គ.ជ.ប កិច្ចប្រជុំនេះនឹងធ្វើឡើងក្រោមប្រធានបទចំ នួន២រួមមាន៖

*ការផ្សព្វផ្សាយបញ្ជីបោះឆ្នោតចុងក្រោយ
*លទ្ធផលបណ្តោះអាសន្ននៃការចែកលិខិតអញ្ជើញអ្នកចុះឈ្មោះបោះឆ្នោត។

តំណាងភាគីពាក់ព័ន្ធដែលនឹងត្រូវអញ្ជើញចូលរួមក្នុងកិច្ចប្រជុំដែលរៀបចំឡើងដោយ គ.ជ.ប សូមមេត្តាជួយផ្តល់ឈ្មោះ តួនាទី អង្គភាព/ស្ថាប័ន លេខទូរស័ព្ទសាមីខ្លួនមកអគ្គលេខាធិការដ្ឋាន គ.ជ.ប ត្រឹមថ្ងៃទី២០ ខែកញ្ញា ឆ្នាំ២០២១។ លេខទូរស័ព្ទទំនាក់ទំនងចុះឈ្មោះចូលរួមប្រជុំ៖ ០៩៦​ ៦៩ ០៩ ៧៧៨, ០៧៨ ៦៦៥ ៨២៦ និង០៩៩ ៦១ ៦១ ៦៤៕

ខាងក្រោមនេះ ជាសេចក្តីជូនដំណឹងរបស់ គ.ជ.ប៖