(កំពង់ចាម)៖ លោក ជា ក្រូច ទីប្រឹក្សាក្រសួងព័ត៌មាន និងជាអនុប្រធានប្រចាំការសាខាសមាគម សិស្ស និស្សិត បញ្ញវន្តក្មេងវត្ត ខេត្តកំពង់ចាម នៅថ្ងៃទី១១ ខែឧសភា ឆ្នាំ២០២២ បានដឹកនាំក្រុមគ្រូពេទ្យស្ម័គ្រចិត្ត សាខាសមាគមសិស្ស និស្សិត បញ្ញវន្តក្មេងវត្ត បើកការពិនិត្យ ពិគ្រោះជំងឺ ជូនបងប្អូនប្រជាពលរដ្ឋ ដោយឥតគិតថ្លៃ នៅទីអារាមវត្ត ទែតក្រៅ ស្ថិតនៅឃុំ បុសខ្នុរ ស្រុកចំលើ ខេត្តកំពង់ចាម។
បើតាមលោក ជា ក្រូច កម្មវិធីចុះពិនិត្យ ពិគ្រោះជូនប្រជាពលរដ្ឋដោយឥតគិតថ្លៃនោះ មានការគាំទ្រពីលោក ហ៊ុន ម៉ានិត ប្រធានគណៈអចិន្ត្រៃយ៍សមាគម សិស្ស និស្សិត បញ្ញវន្តក្មេងវត្ត ថ្នាក់កណ្តាល ប្រធានក្រុមការងារគណបក្ស ប្រជាជនកម្ពុជា ចុះស្រុក ចំការលើ និងលោក អ៊ុន ចាន់ដា អភិបាលខេត្ត និងជាប្រធានកិត្តិយសសាខាសមាគម សិស្ស និស្សិត បញ្ញវន្តក្មេងវត្តខេត្តកំពង់ចាម។
កម្មវិធីនេះ ក៏បានធ្វើឡើងក្រោមអធិបតីភាព លោក ឌួង ឧត្តម អនុប្រធានក្រុមការងារគណបក្សប្រជាជនកម្ពុជា និងជាប្រធានក្រុមចុះជួយឃុំបុសខ្នុរ ស្រុកចំការលើ និងលោក សំ ពិសិដ្ឋ អភិបាលស្រុកចំការលើ។
លោក ជា ក្រូច បានបញ្ជាក់ថា ក្រុមគ្រូពេទ្យស្ម័គ្រចិត្តចិត្តសាខា សិស្ស និស្សិត បញ្ញវន្តក្មេងវត្ត ខេត្តកំពង់ចាម ចុះពិនិត្យនិងពិគ្រោះជំងឺជូនប្រជាពលរដ្ឋចែកចេញជាបីផ្នែក រួមមាន៖
*ទី១៖ ពិនិត្យ ពិគ្រោះជំងឺទូទៅ
*ទី២៖ ពិនិត្យជំងឺ មាត់ ធ្មេញ
*ទី៣៖ ចាក់វ៉ាក់សាំងការពារជំងឺកូវីដ១៩។ ចាប់ពីម៉ោង ០៨.៣០នាទីព្រឹក រហូតដល់ម៉ោង២.០០រសៀល។
លោក ជា ក្រូច បានបង្ហាញអំពីលទ្ធផលពិនិត្យព្យាបាលជំងឺទូទៅបាន៣៨៨នាក់ (ស្រី២៤៤នាក់), ដកធ្មេញ៤៦នាក់ (ស្រី២៨នាក់), ចាក់វ៉ាក់សាំង៥៨នាក់ (ស្រី២៦នាក់)។ សរុបរួមបាន៤៩២នាក់ (ស្រី២៩៧នាក់)។
ជាមួយគ្នានេះ លោក អ៊ុន ចាន់ដា ក៏បានឧបត្ថម្ភថវិកា ១.០០០.០០០រៀល និងថវិកាក្រុមទីប្រឹក្សាក្រសួងព័ត៌មាន នៅខេត្តកំពង់ចាម ៣.០០០.០០០រៀល លោក ឌួង ឧត្តម ឧបត្ថម្ភ១.០០០.០០០រៀល និងលោកវេជ្ជបណ្ឌិត ជា អ៊ាកឆាយ ប្រធានការិយាល័យសុខាភិបាលស្រុកប្រតិបត្តិចំការលើ ជួយ៥០០.០០០រៀលផងដែរ៕
