(កំពង់ចាម)៖ លោក អ៊ុន ចាន់ដា អភិបាលខេត្តកំពង់ចាម នៅព្រឹកថ្ងៃទី២១ ខែធ្នូ ឆ្នាំ២០២២នេះ បានដឹកនាំមន្ត្រីជំនាញពាក់ព័ន្ធ និងក្រុមអ្នកម៉ោការសាងសង់ផ្លូវ ចុះត្រួតពិនិត្យផ្លូវបេតុង ដែលបានបាក់ស្រុត ខូចខាតដោយសារទឹកជំនន់ស្ថិត នៅឃុំពាមប្រធ្នោះ និងឃុំល្វេ ក្នុងស្រុកកោះសូទិន។ ឮ
ក្រោយពីការចុះពិនិត្យដោយផ្ទាល់ឃើញការបាក់ស្រុត ដែលរងផលប៉ះពាល់នេះ លោក អ៊ុន ចាន់ដា ក៏បានចាត់បញ្ជាផ្ទាល់ឱ្យក្រុមការងារអ្នកម៉ៅការសាងសង់ផ្លូវ ចាប់ផ្ដើមជួសជុលផ្លូវឡើងវិញ ដើម្បីកុំឱ្យមានការខូចខាតកាន់តែខ្លាំង ចាប់ពីខែមេសា ឆ្នាំ២០២៣ ខាងមុខនេះផងដែរ។
បើតាមលោក យី វណ្ណៈ អភិបាលស្រុកកោះសូទិន បានឲ្យដឹងថា ផ្លូវបេតុងស្ថិតនៅក្នុងឃុំទាំងពីរខាងលើ បានស្ថាបនារួចនៅខែកក្កដា ឆ្នាំ២០២២កន្លងមកនេះ ។ ប៉ុន្តែដោយសារជំនន់ទឹកទន្លេមេគង្គ និងជំនន់ទឹកភ្លៀងផងនោះ បានធ្វើឲ្យមានការបាក់ស្រុតដី ធ្វើឲ្យប៉ះពាល់ដល់ផ្លូវបេតុង ប្រវែងសរុបប្រមាណជាជាង ២០០ម៉ែត្រ ដោយក្នុងនោះ ភូមិព្រែកចង្ក្រាន ក្នុងឃុំល្វេប៉ះពាល់ ៣ន្លែង ជាង ១០០ ម៉ែត្រ និងនៅភូមិមហាលាភ ក្នុងឃុំពាមប្រធ្នោះ រងផលប៉ះពាល់ផ្លូវ ជាង ១០០ម៉ែត្រផងដែរ៕
