(តាកែវ)៖ លោក សុខ ពុទ្ធិវុធ រដ្ឋលេខាធិការ ក្រសួងប្រៃសណីយ៍ និងទូរគមនាគមន៍ និងជាប្រធានសហភាពសហព័ន្ធយុវជនកម្ពុជាខេត្តតាកែវ បានអញ្ជើញសម្ពោធដាក់ឱ្យប្រើប្រាស់អគារបណ្ណាល័យ សម្ដេចវិបុលបញ្ញា សុខ អាន តាំងយ៉ាប នៅក្នុងវិទ្យាល័យអង្គអណ្តែត ឃុំតាំងយ៉ាប ស្រុកព្រៃកប្បាស ខេត្តតាកែវ នារសៀលថ្ងៃទី២៧ ខែមករា ឆ្នាំ២០២៣។

អគារបណ្ណាល័យ សម្តេចវិបុលបញ្ញា សុខ អាន នេះដឹកនាំកសាងដោយលោក លី ច័ន្ទតុលា ប្រធានគណៈមេធាវីនៃព្រះរាជា
ណាចក្រកម្ពុជា និងលោកស្រី ឈីវ ភារម្យ ព្រមទាំងក្រុមការងារ និងសប្បុរសជន។

ពិធីនេះមានការចូលរួមពីក្រុមការងារក្រសួង ប្រៃសណីយ៍ និងទូរគមនាគមន៍ ក្រុមការងារគណៈមេធាវីនៃព្រះរាជាណាចក្រកម្ពុជា សមាជិកក្រុមប្រឹក្សាខេត្ត អភិបាលរង ប្រធានក្រុមប្រឹក្សា និងអភិបាលស្រុក ក្រុមប្រឹក្សាឃុំ សមាជិក សមាជិការសហភាពសហព័ន្ធយុវជនកម្ពុជាស្រុក ប្រជាពលរដ្ឋ និងសិស្សអនុវិទ្យាល័យ វិទ្យាល័យប្រមាណ ៦០២នាក់។

បណ្ណាល័យនេះមានបំពាក់សម្ភារបរិក្ខារជាច្រើន ជាពិសេសកុំព្យូទ័រ និងសៀវភៅផ្សេងៗ សម្រាប់ទុកឱ្យសិស្សានុសិស្សបានសិក្សាស្រាវជ្រាវរៀនសូត្រ ជាដើម៕