(ភ្នំពេញ)៖ នៅល្ងាចថ្ងៃអង្គារ ទី២៣ ខែឧសភា ឆ្នាំ២០២៣នេះ សម្តេចតេជោ ហ៊ុន សែន នាយករដ្ឋមន្ត្រីកម្ពុជា បានអនុញ្ញាតឱ្យលោក ម៉ូរី ម៉ាសាហ៉ីកុ (Mori Masahiko) ប្រធានក្រុមហ៊ុន DMG MORI របស់ជប៉ុន ចូលជួបសម្តែងការគួរសម និងពិភាក្សា លើការងារមួយចំនួនពាក់ព័ន្ធការធ្វើធុរកិច្ច។
ជួបសម្តែងការគួរ និងស្វែងយល់ពីការធ្វើធុរកិច្ចនេះ រវាងសម្តេចតេជោ និងប្រធានក្រុមហ៊ុន DMG MORI បានធ្វើឡើងនៅវិមានសន្តិភាព។
សូមបញ្ជាក់ថា DMG MORI គឺជាក្រុមហ៊ុនផលិតគ្រឿងម៉ាស៊ីនមានសមត្ថភាពខ្ពស់ ឈានមុខគេ នៅទូទាំងពិភពលោក និងបច្ចេកវិទ្យាការពារបរិស្ថាន ដែលជាការចាប់ផ្តើម នៃខ្សែច្រវាក់តម្លៃសកល។
ក្រុមហ៊ុននេះ មានបុគ្គលិកជាង១២,០០០នាក់ កំពុងធ្វើទំនាក់ទំនងដោយផ្ទាល់ជាមួយរោងចក្រ ហើយមានអតិថិជន ១៥០,០០០។
DMG MORI មានវត្តមាន នៅក្នុងប្រទេសចំនួន៤៣ ជុំវិញពិភពលោក ដែលមានរោងចក្រផលិតចំនួន ១៦កន្លែងលក់ និងសេវាកម្មចំនួន១១៣ ព្រមទាំងកំពុងជំរុញយ៉ាងសកម្មនូវប្រព័ន្ធស្វ័យប្រវត្តិកម្ម និងឌីជីថល៕