(តាកែវ)៖ នៅរសៀលថ្ងៃព្រហស្បតិ៍ ទី២០ ខែមិថុនា ឆ្នាំ២០២៤ លោកបណ្ឌិត វង់ សណ្ដាប់ រដ្ឋលេខាធិការក្រសួងសេដ្ឋកិច្ច និងហិរញ្ញវត្ថុ និងជាប្រធានលេខាធិការដ្ឋាន នៃគណៈកម្មាធិកាគ្រប់គ្រងប្រព័ន្ធស្បៀងបម្រុងកម្ពុជា អមដំណើរដោយលោក មុត សុវណ្ណារិទ្ធ ប្រធានក្រុមប្រឹក្សាស្រុក និងលោក ឈឹម ធី អភិបាលរងស្រុកអង្គរបូរី តំណាងលោកអភិបាលស្រុក បានអញ្ជើញចូលរួមក្នុងពិធីចុះចែកពូជបន្លែជូនដល់បងប្អូនប្រជាពលរដ្ឋដោយឥតគិតថ្លៃ។
ការចែកពូជបន្លែ ដើម្បីជំរុញការដាំដុះលក្ខណៈគ្រួសារ ក្នុងគោលបំណងដើម្បីរួមចំណែកពង្រឹងសន្ដិសុខស្បៀងក្នុងគ្រួសារ អាហារូបត្ថម្ភ ចំណីអាហារប្រកបដោយសុវត្ថិភាព ការបន្ថយចំណាយ និងបង្កើនចំណូលក្នុងគ្រួសារ ជាពិសេសចូលរួមកាត់បន្ថយការនាំចូលបន្លែដែលគ្មានសុវត្ថិភាព និងរួមចំណែកគាំទ្រកម្មវិធីអាហារតាមសាលារៀន និងកម្មវិធីសិក្សាបំណិនជីវិត។
ក្នុងនោះពូជបន្លែដែលបានចែកជូនរួមមាន៖
១.ពូជត្រសក់
២.ពូជសណ្តែកកួរ
៣.ពូជត្រប់ក្រាំងរមាស
៤.ពូជស្ពៃចង្កឹះ
៥.ពូជត្រកួន៕
