(ភ្នំពេញ)៖ កម្មវិធីទូរសព្ទដៃព័ត៌មានសាធារណការ និងដឹកជញ្ជូន ឬ MPWT News Mobile App ជាកម្មវិធីទូរសព្ទដៃបង្កើតឡើងដោយក្រសួងសាធារណការ និងដឹងជញ្ជូន ជាបណ្ដុំព័ត៌មានអំពីសមិទ្ធផល និងសកម្មភាពការងាររបស់ក្រសួងសាធារណការ និងដឹកជញ្ជូន។ បងប្អូនប្រជាពលរដ្ឋអាចទទួលបាននូវព័ត៌មាន ពាក់ព័ន្ធនឹងការកសាងហេដ្ឋារចនាសម្ព័ន្ធ និងការផ្តល់សេវាសាធារណៈ ជុំវិញវិស័យសាធារណការ និងដឹកជញ្ជូន ដែលបានចុះផ្សាយតាម បណ្តាញសារព័ត៌មាននានា។

កម្មវិធីទូរសព្ទដៃព័ត៌មានសាធារណការ និងដឹកជញ្ជូន បានផ្ដល់អត្ថប្រយោជន៍ដល់អ្នកប្រើប្រាស់ដោយផ្ដល់នូវភាពងាយស្រួលក្នុងការស្វែងរកព័ត៌មាន បានគ្រប់ទីកន្លែងអំពីការអភិវឌ្បហេដ្ឋារចនាសម្ព័ន្ធផ្លូវថ្នល់ វឌ្ឍនភាពគម្រោងសាងសង់ថ្មី ឬគម្រោងសាងសង់ធ្វើឱ្យប្រសើរឡើងវិញ ច្បាប់ចរាចរណ៍ សេវាសាធារណ និងសកម្មភាពការងារ របស់ក្រសួង ជាពិសេសបានផ្ដល់នូវចំណេះដឹងដល់សិស្សនិស្សិត ដែលកំពុងតែសិក្សាស្រាវជ្រាវលើវិស័យសាធារណការ និងដឹកជញ្ជូនផងដែរ។

របៀបទាញយកកម្មវិធី៖ លោកអ្នកអាចទាញយកម្មវិធី MPWT News Mobile App តាមរយៈទូរសព្ទស្មានហ្វូម ទាំង iOS និងAndroid តាមតំណភ្ជាប់ខាងក្រោម៖
App Store (iOS): http://news.mpwt.gov.kh/ios , Play Store (Android): http://news.mpwt.gov.kh/android ៕