(តាកែវ)៖ បណ្ឌិត កៅ ថាច ប្រតិភូរាជរដ្ឋាភិបាលទទួលបន្ទុក ជាអគ្គនាយក ធនាគារអភិវឌ្ឍន៍ជនបទ និងកសិកម្ម (ARDB) ព្រមទាំងសហការី នៅរសៀល ថ្ងៃទី៣១ ខែមករា ឆ្នាំ២០២៥ បានអញ្ជើញចុះជួបសំណេះសំណាលសួរសុខទុក្ខ និងចុះពិនិត្យមើលការដាំដុះបន្លែ របស់បងប្អូនប្រជាកសិករ ក្នុងសហកមន៍កសិកម្មទំនើប បន្លែផ្ទះសំណាញ់ត្រាំកក់ ក្នុងនោះមានបន្លែដូចជា ស្ពៃក្រញ៉ាញ់ ស្ពៃតឿ ស្ពៃចង្កឹះ សាលាដ និងប៉េងប៉ោះជាដើម ដែលមានមូលដ្ឋាន នៅឃុំត្រពាំងចក ស្រុកត្រាំកក់ ខេត្តតាកែវ។
ជាមួយនេះ លោកបណ្ឌិត បានជំរុញឲ្យបងប្អូនប្រជាកសិកររៀបចំផែនការដាំដុះ ដើម្បីឆ្លើយតបតាមតម្រូវការទីផ្សារ និងរដូវកាល ដោយត្រូវខិតខំដាំដុះទៅតាមបច្ចេកទេសកសិកម្មបន្លែក្នុងផ្ទះសំណាញ់ ដើម្បីទទួលបានលទ្ធផលល្អ និងគាំទ្រពីអ្នកប្រើប្រាស់៕
