(ស្ទឹងត្រែង)៖ នៅថ្ងៃទី៤ ខែមេសា ឆ្នាំ២០២៥ និស្សិតនៃសាលាមធ្យមសិក្សាសុខាភិបាលភូមិភាគស្ទឹងត្រែង មានភាពសប្បាយរីករាយចំពោះសាលាដែលបានអនុញ្ញាតបង្កលក្ខណៈ ហើយពួកគាត់បានលេងកំសាន្ត នូវល្បែងប្រជាប្រិយខ្មែរ ក្រោយពេលសាលាបានរៀបចំពិធីសូត្រមន្ត ទទួលពរជ័យពីព្រះសង្ឃ ពិសេសទេវតាឆ្នាំថ្មី ឆ្នាំម្សាញ់ សប្តស័ក ព.ស.២៥៦៩ ព្រះនាម គោរាគ:ទេវី ដើម្បីឲ្យគណៈគ្រប់គ្រង មន្ត្រីរាជការ បុគ្គលិក និស្សិតទាំងអស់មានសុខភាពល្អ អារម្មណ៍ភ្លឺថ្លា សុខសប្បាយទាំងការរៀនសូត្រនិងការស្នាក់នៅ និងចូលរួមផ្សព្វផ្សាយអំពើល្អដើម្បីចៀសចាកចេញផុតពីអំពើអបាយផ្សេងៗពិសេសគ្រឿងញៀន។
លោកសាស្ត្រាចារ្យជំនួយ វេជ្ជបណ្ឌិត តាតសុវណ្ណ ជានាយកសាលា បានប្រាប់ឲ្យដឹងថាសាលាបានផ្ដល់ឱកាសឲ្យនិស្សិតទាំងអស់បានលេងនូវល្បែងប្រជាប្រិយ បុរាណខ្មែរដែលខកខានអស់រយៈកាលជាង១០ឆ្នាំចុងក្រោយនេះ។
លោកសាស្ត្រាចារ្យជំនួយការ វេជ្ជបណ្ឌិតតាត សុវណ្ណ បានបន្ថែមថា សាលានឹងបន្តរៀបចំឲ្យមានការលេងល្បែងប្រជាប្រិយបុរាណខ្មែរ និងរាំកំសាន្តដើម្បីអបអរសាទរបុណ្យចូលឆ្នាំប្រពៃណីជាតិខ្មែរនៅឆ្នាំក្រោយៗ ឲ្យរឹតតែសកម្មផុលផុស ក្នុងគោលបំណងដើម្បីភាពសប្បាយរីករាយផ្សារភ្ជាប់និងការក្សាចំណងមិត្តភាពសាមគ្គីភាព វប្បធម៌ដ៏ផូរផង់របស់ប្រជាពលរដ្ឋខ្មែរ ហើយនៅក្នុងឆ្នាំនេះនិស្សិតសាលានឹងទៅចូលរួមលេងល្បែង ប្រជាប្រិយក្នុងព្រឹត្តិការណ៍ស្ទឹងត្រែងសង្ក្រាន្តពិសេសគឺការបែកកំណត់ត្រាការទាញព្រ័ត្រប្រវែង២០០ម៉ែត្រ នៅទីលានមុខសាលាខេត្តស្ទឹងត្រែងក្រោមការដឹកនាំផ្ទាល់របស់លោក សរ សុពុត្រា អភិបាលនៃគណៈអភិបាលខេត្តស្ទឹងត្រែងផងដែរ៕
