(ភ្នំពេញ)៖ លោក ស៊ី ជីនពីង ប្រធានាធិបតីចិន បានអញ្ជើញមកដល់ប្រទេសកម្ពុជា នៅវេលាម៉ោង១១៖១៥នាទី នាថ្ងៃទី១៧ ខែមេសា ឆ្នាំ២០២៥ ដើម្បីបំពេញទស្សនកិច្ចផ្លូវរដ្ឋរយៈពេល២ថ្ងៃ តបតាមការអញ្ជើញរបស់ ព្រះមហាក្សត្រកម្ពុជា។ ការអញ្ជើញមកដល់របស់ មេដឹកនាំកំពូលមហាយក្សចិន នៅព្រលានយន្តហោះអន្តរជាតិភ្នំពេញ មានការទទួលស្វាគមន៍ដោយ ព្រះករុណា ព្រះបាទ សម្តេចព្រះបរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា អមដោយសម្តេចតេជោ ហ៊ុន សែន ប្រធានព្រឹទ្ធសភា ព្រមជាមួយថ្នាក់ដឹកនាំជាច្រើនរូបទៀត ដើម្បីជាការផ្តល់កិត្តិយសដ៏ធំធេងដល់មហាមិត្តរបស់កម្ពុជា។
ក្នុងដំណើរទស្សនកិច្ចនេះ លោកប្រធានាធិបតី ស៊ី ជីនពីង បានចូលគាល់ ព្រះករុណាជាអម្ចាស់ជីវិតលើត្បូង និងសម្តេចព្រះមហាក្សត្រី នរោត្តម មុនិនាថ សីហនុ ព្រះវររាជ មាតាជាតិខ្មែរ, ជួបពិភាក្សាជាមួយ សម្តេចតេជោ ហ៊ុន សែន និងសម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីកម្ពុជាផងដែរ។
នៅក្នុងដំណើរទស្សនកិច្ច មេដឹកនាំកម្ពុជា-ចិន មិនត្រឹមតែបានបញ្ជាក់សាជាថ្មីពីការប្តេជ្ញាចិត្តឥតងាករេចំពោះទំនាក់ទំនងមិត្តភាពដែកថែបរវាងកម្ពុជា និងចិនប៉ុណ្ណោះទេ ប៉ុន្តែថែមទាំងបានពង្រឹង និងធ្វើឱ្យស៊ីជម្រៅថែមទៀតនូវភាពជាដៃគូយុទ្ធសាស្ត្រគ្រប់ជ្រុងជ្រោយ និងកិច្ចសហប្រតិបត្តិការ ឈ្នះ-ឈ្នះ រវាងប្រទេសទាំងពីរ។ ដំណើរទស្សនកិច្ចនេះបានបន្ថែមសន្ទុះថ្មីដល់ការកសាងសហគមន៍វាសនារួមកម្ពុជា-ចិន គ្រប់រដូវកាល ក្នុងយុគសម័យថ្មី ប្រកបដោយគុណភាពខ្ពស់ កម្រិតខ្ពស់ និងស្តង់ដាខ្ពស់។ ក្នុងបរិការណ៍នេះ ភាគីទាំងពីរបានសម្តែងការប្តេជ្ញាចិត្តក្នុងការធានាការអនុវត្តប្រកបដោយប្រសិទ្ធភាព នៃក្របខណ្ឌកិច្ចសហប្រតិបត្តិការត្បូងពេជ្រ និងពន្លឿនការកសាង «ច្រករបៀង ឧស្សាហកម្ម និងបច្ចេកវិទ្យា» និង «ច្រករបៀងមច្ឆា និងអង្គរ»ផងដែរ។
ក្នុងដំណើរទស្សនកិច្ច ឯកសារចំនួន៣៧ រវាងកម្ពុជា-ចិន ត្រូវបានចុះហត្ថលេខា ក្រោមអធិបតីភាព សម្ដេចបវរធិបតី ហ៊ុន ម៉ាណែត និងលោកប្រធានាធិបតីចិន ស៊ី ជិនពីង។ បន្ថែមពីនេះ មានឯកសារចំនួន៥ផ្សេងទៀតពាក់ព័ន្ធនឹង គម្រោងព្រែកជីកហ្វូណនតេជោ ត្រូវបានចុះហត្ថលេខាជាផ្លូវការ ដើម្បីអភិវឌ្ឍព្រែកជីកហ្វូណនតេជោ។ ក្នុងជំនួបជាមួយសម្តេចតេជោ លោកប្រធានាធិបតី ស៊ី ជីនពីង ប្រកាសគាំទ្រយ៉ាងពេញទំហឹងចំពោះកិច្ចអភិវឌ្ឍនៅកម្ពុជា ជាពិសេសគម្រោងព្រែកជីកហ្វូណនតេជោ។
ខាងក្រោមនេះជាព័ត៌មានសំខាន់ៗ ពាក់ព័ន្ធនឹងដំណើរទស្សនកិច្ចផ្លូវរដ្ឋជាលើកទី២របស់ លោកប្រធានាធិបតី ស៊ី ជិនពីង មកកាន់ប្រទេសកម្ពុជា៖
១៖ ប្រធានាធិបតីចិន ស៊ី ជីនពីង អញ្ជើញមកដល់ប្រទេសកម្ពុជា ដើម្បីបំពេញទស្សនកិច្ចផ្លូវរដ្ឋរយៈពេល២ថ្ងៃ
២៖ សេចក្តីថ្លែងការណ៍របស់ប្រធានាធិបតីចិន ស៉ី ជីនពីង ក្នុងកិច្ចចាប់ផ្តើមដំណើរបំពេញទស្សនកិច្ចផ្លូវរដ្ឋ នៅកម្ពុជា
មិត្តចាស់ដ៏ស្និទ្ធស្នាល, សម្តេចតេជោ ហ៊ុន សែន និងលោក ស៊ី ជីនពីង ជួបគ្នាជាថ្មីលើដីកម្ពុជា
៤៖ ព្រះមហាក្សត្រខ្មែរ និងលោកប្រធានាធិបតីចិន ជួបសវនាការ
៥៖ កម្ពុជា និងចិន សម្ពោធការចាក់ផ្សាយកម្មវិធី «ប្រយោគបុរាណចិន ដែលលោក Xi Jinping ចូលចិត្ត» ក្នុងឱកាសប្រធានាធិបតី ស៊ី ជីនពីង មកបំពេញទស្សនកិច្ចផ្លូវរដ្ឋនៅកម្ពុជា
៦៖ សម្តេចមហាបវរធិបតី ហ៊ុន ម៉ាណែត ទទួលជួបសម្តែងការគួរសម និងពិភាក្សាការងារជាមួយលោកប្រធានាធិបតីចិន
៧៖ នាយករដ្ឋមន្ត្រីកម្ពុជា និងប្រធានាធិបតីចិន ឯកភាពកសាងសហគមន៍វាសនារួមកម្ពុជា-ចិន ក្នុងយុគសម័យថ្មី គ្រប់រដូវកាល
៨៖ ជំនួបជាមួយមិត្តចាស់ដ៏ស្និទ្ធស្នាលសម្តេចតេជោ, លោក ស៊ី ជីនពីង ប្រកាសគាំទ្រកិច្ចអភិវឌ្ឍនៅកម្ពុជា ជាពិសេសគម្រោងព្រែកជីកហ្វូណនតេជោ និងបង្ហាញក្តីរំភើបចំពោះការបដិសណ្ឋារកិច្ច
៩៖ ឯកសារចំនួន៣៧ រវាងកម្ពុជា-ចិន ត្រូវបានចុះហត្ថលេខា ក្រោមអធិបតីភាព សម្ដេចបវរធិបតី ហ៊ុន ម៉ាណែត និងលោកប្រធានាធិបតីចិន ស៊ី ជិនពីង
១០៖ ប្រធានាធិបតីចិន ស៊ី ជីនពីង ដឹកនាំគណៈប្រតិភូជាន់ខ្ពស់ចិន ចូលក្រាបបង្គំគាល់ សម្តេចព្រះមហាក្សត្រី នរោត្តម មុនិនាថ សីហនុ
១១៖ កិច្ចព្រមព្រៀង និងកិច្ចសន្យាចំនួន ៥ច្បាប់ ពាក់ព័ន្ធនឹង គម្រោងព្រែកជីកហ្វូណនតេជោ ត្រូវបានចុះហត្ថលេខាជាផ្លូវការ
១២៖ ព្រះមហាក្សត្រកម្ពុជា សព្វព្រះរាជហឬទ័យ ប្រទានពិធីលៀងសាយភោជន៍ផ្លូវរដ្ឋ ជាកិត្តិយសជូន ប្រធានាធិបតីចិន ស៊ី ជីនពីង ក្នុងឱកាសបំពេញដំណើរទស្សនកិច្ចផ្លូវរដ្ឋនៅកម្ពុជា
https://www.facebook.com/freshnewsasia/posts/1025395589775120
១៣៖ ក្រសួងការបរទេសកម្ពុជាបង្ហាញលទ្ធផលនៃដំណើរទស្សនកិច្ចផ្លូវរដ្ឋរបស់លោក ស៊ី ជីនពីង ប្រធានាធិបតីចិន នៅកម្ពុជា។
១៤៖ ចិនកោតសរសើរលើកិច្ចខិតខំប្រឹងប្រែងរបស់កម្ពុជា ក្នុងការបង្ក្រាបល្បែងស៊ីសងខុសច្បាប់តាមប្រព័ន្ធអ៉ីនធឺណេត និងការឆបោកតាមប្រព័ន្ធបច្ចេកវិទ្យា
១៥៖ កម្ពុជា-ចិន បន្តឯកភាពកំណត់យកឆ្នាំ២០២៥ ជា «ឆ្នាំទេសចរណ៍កម្ពុជា-ចិន» និងលើកទឹកចិត្តប្រជាពលរដ្ឋខ្លួនឲ្យធ្វើដំណើររវាងប្រទេសទាំងពីរ
១៦៖ ភាគីចិនគាំទ្រដើម្បីជំរុញការអភិវឌ្ឍខេត្តព្រះសីហនុ និងសន្យាលើកទឹកចិត្តសហគ្រាសចិនដែលមានសមត្ថភាពកាន់តែច្រើន មកបណ្តាក់ទុននៅកម្ពុជា
១៧៖ កម្ពុជា-ចិន អះអាងជាថ្មីនូវការគាំទ្រគ្នាយ៉ាងមុះមុត ចំពោះផលប្រយោជន៍ស្នូល របស់គ្នាទៅវិញទៅមក
១៨៖ ប្រធានាធិបតីចិន ស៊ី ជីនពីង បានអញ្ជើញចាកចេញពីប្រទេសកម្ពុជា ក្រោយបញ្ចប់ដំណើរបំពេញទស្សនកិច្ចផ្លូវរដ្ឋ ប្រកបដោយជោគជ័យរយៈពេល២ថ្ងៃ
