តារាចម្រៀង អៀង វុត្ថា និងប្រធានសមាគមយុវជនអ្នកបន្តវេន បំផុសស្មារតីស្មារតីជាតិនិយមស្រឡាញ់ជាតិ លេីប្រធានបទ «ខ្មែរួបរួម ខ្មែរសាមគ្គី ខ្មែរខ្លាំង» (Video inside)
17-07-2025 18:37
(ភ្នំពេញ)៖ លោក រិន សុភក្តិ ប្រធធានសមាគមយុវជនអ្នកបន្តវេន-SYA និងតារាចម្រៀង អៀង វុត្ថា ម្ចាស់ប្រេនគោដុត «កាច់នឹម» នៅក្នុងកម្មវិធីសប្បុរធម៌ជួយដល់កងទ័ពជួរមុខ បានបង្ហាញពីទឹកចិត្តស្រលាញ់ជាតិ ទឹកដី ស្មារតីជាតិនិយម លេីប្រធានបទ «ខ្មែរួបរួម ខ្មែរសាមគ្គី ខ្មែរខ្លាំង»។
ជាមួយគ្នានេះដែរ លោក រិន សុភក្តិ និងតារាចម្រៀងលោក អៀង វុត្ថា បានបញ្ជាក់រួមគ្នាថា៖ «យេីងប្រឆាំងដាច់ខាតចំពោះទង្វេីរបស់កងទ័ពចោរឈ្លានពានថៃមកលេីទឹកដីខ្មែរដ៏វិសិដ្ឋ»។
គួរឱ្យដឹងថា កាលពីថ្ងៃទី១៤-១៥ ខែកក្កដា ឆ្នាំ២០២៥ថ្មីៗនេះ ក្រុមការងារសមាគមយុវជនអ្នកបន្តវេន-SYA នាថ្ងៃទី១៤ ខែកក្កដា ឆ្នាំ២០២៥ បាននាំនូវថវិកា អង្ករ ទឹកសុទ្ធ កែវយិតឆ្លុះចម្ងាយ ៥គីឡូម៉ែត្រ (ជូនឪគា) និងគោដុតកាច់នឹមរបស់តារាចម្រៀង អៀង វុត្ថា ចំនួន០២ក្បាល ដែលបានទទួលថវិកាជំនួយពីសប្បុរសជន សមាជិក សមាជិកា នៃសមាគមយុវជនអ្នកបន្តវេន និងអ្នកគាំទ្រលោក អៀង វុត្ថា ជូនវរសេនាតូចអន្តរាគមន៍លេខ៣៧១ (ភ្នំខ្មោច) ស្ថិតនៅឃុំស្រអែម ស្រុកជាំក្សាន្ត ខេត្តព្រះវិហារ។
ជាមួយនឹងទឹកចិត្តស្នេហាជាតិ សមរភូមិក្រោយ នៅឈរប្រកៀកស្មារជាមួយនឹងសមរភូមិមុខ ក្រុមការងារសមាគមយុវជនអ្នកបន្តវេន-SYA និងតារាចម្រៀងលោក អៀង វុត្ថា បានអះអាងថា៖ «យេីងរួមគ្នាខិតខំបន្តសកម្មភាពមួយនេះ តាមលទ្ធភាពដែលអាចធ្វេីទៅបាន ក្រោមស្មារតីជាតិនិយម លេីកទឹកចិត្តដល់កងទ័ពជួរមុខ»៕
