(បន្ទាយមានជ័យ)៖ ករណីអំពើហឹង្សាររវាងប្តី និងប្រពន្ធ បង្កឲ្យភ្ញាក់ផ្អើលពេញភូមិ ដោយការទ្រាំមិនបាន រត់ប្តឹងកម្លាំងអាវុធហត្ថក្រុងប៉ោយប៉ែត ជួយអន្តរាគមន៍។
លោកមេបញ្ជាការអាវុធហត្ថក្រុងប៉ោយប៉ែត បានប្រាប់ឱ្យដឹង នៅល្ងាចថ្ងៃទី១១ ខែមិថុនា ឆ្នាំ២០១៥នេះថា ក្រោយពីកម្លាំងអាវុធហត្ថ បានទទួលពាក្យបណ្ដឹងរបស់ស្ត្រីរងគ្រោះឈ្មោះ ផន សាន្ត ភេទស្រី អាយុ ៣៥ឆ្នាំ ជាប្រពន្ធរបស់ជនបង្ក រស់នៅភូមិកើតហេតុខាងលើនេះ កាលពីថ្ងៃទី១០ ខែ មិថុនា ឆ្នាំ ២០១៥ បានរត់មកប្ដឹងទៅលើឈ្មោះ ស្រ៊ុម វិពុធ ភេទ ប្រុស អាយុ២៩ឆ្នាំ ត្រូវជាប្ដី បានបង្កហិង្សារស្ទើររាល់ថ្ងៃ ដោយខ្លួនទ្រាំការរស់នៅរបៀបនេះ ទើបដាច់ចិត្តមកដាក់ពាក្យប្តឹងឲ្យសមត្ថកិច្ចជួយអន្តរាគមន៍ និងឃាត់ខ្លួនប្តីបង្កហឹង្សារដើម្បីយកមកសាកសួរ។
ប្រពន្ធរងគ្រោះបានរៀបរាប់ឱ្យដឹងថា គាត់កំពុងដេកនៅក្នុងផ្ទះ ពេលនោះប្ដីរបស់បានមកដល់ផ្ទះ ហើយហៅគាត់សុំលុយចំនួន២ម៉ឺនរៀល យកទៅលេងបៀរ តែគាត់មិនព្រមឲ្យពេលនោះជនសង្ស័យ បានយកដងអំបោសវាយទៅលើដងខ្លួនរបស់គាត់ មួយដងអំបោសបន្ទាប់មកជនសង្ស័យ បានយកធុងជ័រសំរាប់ដងទឹកវាយផ្ទប់ទៅលើ មុខរបស់គាត់មួយធុងទឹក បណ្ដាលឲ្យបែកឈាមរងរបួសធ្ងន់ ចាប់តាំងពីគាត់រៀបការជាមួយប្ដីរបស់គាត់ មកប្ដីរបស់គាត់តែងតែប្រើអំពើហិង្សាវាយតប់ មកលើរូបគាត់ជាច្រើនលើកច្រើនសារមកហើយ។ បច្ចុប្បន្ន សមត្ថកិច្ចយើងកំពុងកសាងសំណុំរឿង បញ្ជូនទៅសាលាដំបូងខេត្តចាត់ការតាមនិតិវិច្បាប់៕
