(បាត់ដំបង)៖ អតីតសមាជិក នៃអតីតគណបក្សសង្រ្គោះជាតិ ១០នាក់ទៀត នៅខេត្តបាត់ដំបង នៅថ្ងៃទី២៧ ខែតុលា ឆ្នាំ២០១៩ បានប្រកាសចូលរួមជីវភាពនយោបាយជាមួយគណបក្សប្រជាជនកម្ពុជា ដោយសារតែ មិនចង់ពាក់ព័ន្ធជាមួយនឹងសកម្មភាពរបស់ ទណ្ឌិត សម រង្ស៉ី ដែលរៀបចំផែនការផ្តួលរំលំរាជរដ្ឋាភិបាលស្របច្បាប់ និងប្រមាថព្រះមហាក្សត្រ។
ក្រុមប្រឆាំងទាំងនេះ មាន៨រូប នៅស្រុកបាណន់ ខេត្តបាត់ដំបង និង ២រូប នៅស្រុកសំពៅលូន ដែលរួមមាន៖
១៖ លោក ហួន ចន្ថា រស់នៅភូមិពាក់ស្បែក ឃុំស្នឹង
២៖ លោក ហាយ សុភាព
៣៖ អ្នកស្រី វ៉ាត់ ចាន់ដេត
៤៖ អ្នកស្រី អ៊ុក ស្រីម៉ុម
៥៖ លោក វ៉ាន់ ស៊ន
៦៖ លោក ប៉ែល តឿ
៧៖ អ្នកស្រី ទិន ហុង
៨៖ អ្នកស្រី ហួម ហ៊ុ
៩៖ លោក អ៉ឹម យឿន
១០៖ លោក អ៊ុង វណ្ណា
សូមបញ្ជាក់ថា ទណ្ឌិត សម រង្ស៉ី មេក្រុមឧទ្ទាមក្រៅច្បាប់ បានប្រកាសវិលចូលប្រទេសកម្ពុជាវិញ នៅថ្ងៃទី០៩ ខែវិច្ឆិកា ឆ្នាំ២០១៩ ខាងមុខនេះ ដើម្បីផ្តួលរំលំរាជរដ្ឋាភិបាលស្របច្បាប់របស់កម្ពុជា។
ជាមួយនឹងការប្រកាសនេះ លោកបានអំពាវនាវ និងប្រកាសផ្តល់ថវិកាលើកទឹកចិត្ត ឱ្យកងទ័ពផ្តាច់ខ្លួនហើយប្រឆាំងនឹងរាជរដ្ឋាភិបាល ព្រមទាំងអំពាវនាវឱ្យព្រះមហាក្សត្រដាក់រាជ្យថែមទៀតផង៕
