(ពោធិ៍សាត់)៖ នាថ្ងៃទី០៣ ខែមិថុនា ឆ្នាំ២០២១ មន្ទីរសុខាភិបាល នៃរដ្ឋបាលខេត្តពោធិ៍សាត់ បានចេញសេចក្តីជូនដំណឹង ស្ដីពីការរកឃើញករណីវិជ្ជមានកូវីដ១៩ ចំនួន០៤នាក់បន្ថែមទៀត (ស្រី០២នាក់) ក្នុងនោះមកពីខេត្តព្រះសីហនុ ០២នាក់ , រាជធានីភ្នំពេញ ០១នាក់ និងអ្នកប៉ះពាល់អ្នកវិជ្ជមានកូវីដ១៩ ០១នាក់។
គិតត្រឹមថ្ងៃទី០៣ ខែមិថុនា ឆ្នាំ២០២១ ខេត្តពោធិ៍សាត់ មានករណីវិជ្ជមានកូវីដ១៩ សរុបចំនួន១៣០នាក់ (ស្រី៦៥នាក់) ក្នុងនោះជាសះស្បើយ ចំនួន៦៣ករណី (ស្រី៣២នាក់) មរណៈភាព ចំនួន០១នាក់ (ស្រី០១នាក់) និងកំពុងសម្រាកព្យាបាល ចំនួន៦៦ករណី (ស្រី៣២នាក់)។
គួរបញ្ជាក់ថា ករណីវិជ្ជមានថ្មីខាងលើ គឺជាករណីនាំចូល មិនមែនជាករណីផ្ទុះក្នុងសហគមន៍ទេ។ ជាមួយគ្នានោះ មន្ទីរក៏សូមអំពាវនាវដល់បងប្អូនប្រជាពលរដ្ឋ មេត្តាបន្តចូលរួមអនុវត្តវិធានការនានារបស់ក្រសួងសុខាភិបាល និងវិធានការ ៣កុំ ៣ការពារ របស់សម្ដេចប្រមុខនៃរាជរដ្ឋាភិបាលកម្ពុជា៕
