(ភ្នំពេញ)៖ ខុទ្ទកាល័យសម្តេចក្រឡាហោម ស ខេង ឧបនាយករដ្ឋមន្រ្តី និងជារដ្ឋមន្រ្តីក្រសួងមហាផ្ទៃ នៅថ្ងៃទី២៨ ខែកញ្ញា ឆ្នាំ២០១៧នេះ បានចេញសេចក្ក្តីបំភ្លឺមួយ ដោយទាត់ចោលទាំងស្រុងនូវការផ្សាយរបស់វិទ្យុ VOA ដែលបានដាក់ចំណងជើងថា «ការសម្ញែងតាមរយៈអាពាហ៍ពិពាហ៍កូនអ្នកកាន់អំណាចទទួលបានប្រតិកម្មចម្រុះ»។
ក្នុងអត្ថបទរបស់វិទ្យុសហរដ្ឋអាមេរិកមួយនេះ បានរៀបរាប់អំពីការបិទផ្លូវនៅកន្លែងដែលមានអាពាហ៍ពិពាហ៍របស់កូនអ្នកធំមួយចំនួនក្នុងនោះក៏មានអាពាហ៍ពិពាហ៍របស់កូនសម្តេច ស ខេង និងអាពាហ៍ពិពាហ៍របស់កូនសម្តេចវិបុលបញ្ញា សុខ អាន ផងដែរហើយ VOA បានស្រង់សម្តីអ្នកវិភាគ ដោយរិះគន់ថា អាពាហ៍ពិពាហ៍នេះ គឺជាការព្យាយាមសម្ញែងភាពមានបាន និងអំណាចរបស់អ្នកជំនាន់ក្រោយរបស់ គណបក្សប្រជាជនកម្ពុជា។
ខុទ្ទកាល័យសម្តេចក្រឡាហោម ស ខេង បានចាត់ទុកថា ការចុះផ្សាយបែបនេះ គឺជាការបំផ្លើស ក្នុងចេតនាបង្កឱ្យមានការភាន់ច្រឡំ និងញុះញង់ឱ្យមានទោមនស្សនៅក្នុងសង្គមខ្មែរ ដែលជាសង្គមមានប្រពៃណីវប្បធម៌ល្អផូរផង់ ហើយដែលប្រជាពលរដ្ឋខ្មែរគ្រប់រូបគោរពប្រតិបត្តិយ៉ាងខ្ជាប់ខ្ជួនតាំងពីបុរាណមក និងតែងតែយោគយល់អំពីធុរៈគ្នាទៅវិញទៅមក ប្រកបដោយសមានចិត្តថ្លៃថ្លា។
ខាងក្រោមនេះជាសេចក្តីបំភ្លឺទាំងស្រុងរបស់ ខុទ្ទកាល័យសម្តេចក្រឡាហោម ស ខេង៖
