(ភ្នំពេញ)៖ ក្លិបបាល់ទាត់ ព្រះខ័នរាជស្វាយរៀង បានបង្កើតនូវកម្មវិធីប្រកួតថ្មីមួយ គឺ Frenzy Freestyle - ហ្វ្រេនហ្ស៉ី ហ្វ្រីស្តាយល៍ ដែលជាកម្មវិធីប្រកួតបាល់ទាត់ហ្រ្វីស្តាយល៍ នៅលើឆាកគួបផ្សំ និងការប្រើប្រាស់ក្បាច់ដ៏ប៉ិនប្រសព្វ និងរស់រវើក ដើម្បីបង្ហាញចេញទៅ។

រួសរាន់ឡើង! ការចុះឈ្មោះចាប់បើកពីថ្ងៃទី១០នេះ រហូតដល់ថ្ងៃទី៣០ ខែធ្នូ ឆ្នាំ២០២៤។ កម្មវិធីប្រកួតនេះ ជាកម្មវិធីដ៏ថ្មីស្រឡាងមួយនៅកម្ពុជា ដែលការចុះឈ្មោះចូលរួមគឺបើកទូលាយ ដល់សាធារណជនគ្រប់រូប និងគ្រប់ជាតិសាសន៍ ដែលមានអាយុចាប់ពី ១០ឆ្នាំដល់៤០ឆ្នាំ។

ក្នុងនោះផងដែរ ក្នុងការប្រកួតដ៏គួរឲ្យចាប់អារម្មណ៍មួយនេះ គណៈកម្មការវាយតម្លៃដែលមានជំនាញ ទៅតាមផ្នែកនីមួយៗ នឹងជ្រើសរើសបេក្ខជនដែលមានសមត្ថភាព និងស្របតាមលក្ខខណ្ឌ បច្ចេកទេសចំនួន៣២នាក់ ក្រោយបានឆ្លងកាត់វគ្គជម្រុះដំបូង ដើម្បីមកប្រកួតគ្នានៅលើឆាក នៃការប្រកួតហ្រ្វេនហ្ស៊ី ហ្រ្វីស្តាយល៍ ដែលស្ថិតនៅស្ថានីយទូរទស្សន៍បាយ័នបឹងស្នោ (រាជធានីភ្នំពេញ)។

គួរបញ្ជាក់ផងដែរថា បេក្ខជន ឬកីឡាកររូបណាដែលទទួលបានជ័យលាភីលេខ១, ចំណាត់ថ្នាក់លេខ២, ចំណាត់ថ្នាក់លេខ៣ និងចំណាត់ថ្នាក់លេខ៤ នឹងទទួលបាន៖

* ជ័យលាភីលេខ១ នឹងទទួលបានពានរង្វាន់ មេដាយមាស អមដោយទឹកប្រាក់ ២,០០០,០០០រៀល
* ចំណាត់ថ្នាក់លេខ២ នឹងទទួលបានមេដាយប្រាក់ អមដោយទឹកប្រាក់ ១,០០០,០០០រៀល
* ចំណាត់ថ្នាក់លេខ៣ នឹងទទួលបានមេដាយសំរិទ្ធ អមដោយទឹកប្រាក់ ១,០០០,០០០រៀល
* ចំណាត់ថ្នាក់លេខ៤ នឹងទទួលបានទឹកប្រាក់ ១,០០០,០០០រៀល៕