(ញូវដែលី)៖ អាជ្ញាធរបានឱ្យដឹងថា យ៉ាងហោចណាស់មានមនុស្ស ២៧ នាក់បានស្លាប់ នៅក្នុងហេតុការណ៍រត់ជាន់គ្នានៅឯពិធីសាសនាមួយ នៅក្នុងរដ្ឋ Uttar Pradesh ភាគខាងជើងប្រទេសឥណ្ឌា នៅថ្ងៃអង្គារនេះ។ នេះបើយោងតាមការចេញផ្សាយដោយ ទីភ្នាក់ងារសារព័ត៌មាន Reuters។
ហេតុការណ៍នេះបានកើតឡើងនៅក្នុងភូមិមួយ នៃស្រុក Hathras ចម្ងាយប្រហែល ២០០ គីឡូម៉ែត្រភាគអាគ្នេយ៍នៃរដ្ឋធានីញូវដែលី។
កាសែតក្នុងស្រុកមួយបានរាយការណ៍ថា មានមនុស្សជាច្រើនទៀតត្រូវបានគេភ័យខ្លាចថាបានស្លាប់ផងដែរ ខណៈប្រតិបត្តិការជួយសង្គ្រោះកំពុងបន្តនៅកន្លែងកើតហេតុ។
លោក Umesh Kumar Tripathi មន្ត្រីវេជ្ជសាស្ត្រស្រុកបានគូសបញ្ជាក់ប្រាប់ Reuters តាមទូរសព្ទថា អ្នកស្លាប់រួមមានស្ត្រី ២៥នាក់ និងបុរស២ នាក់៕
