(កៀវ)៖ ប្រធានាធិបតី លោក វ៉ូឡូឌីមៀ ហ្សេលេនស្គី បាននិយាយថា អ៊ុយក្រែនត្រូវតែខំអស់ពីសមត្ថភាព ដើម្បីធានាថាសង្រ្គាមជាមួយរុស្ស៉ីនឹងបញ្ចប់នៅឆ្នាំក្រោយ តាមរយៈមធ្យោបាយការទូត។ នេះបេីយោងតាមការចេញផ្សាយដោយទីភ្នាក់ងារសារព័ត៌មាន Reuters នៅថ្ងៃសៅរ៍ ទី១៦ ខែវិច្ឆិកា ឆ្នាំ ២០២៤។
នៅក្នុងបទសម្ភាសន៍មួយ លោក ហ្សេលេនស្គី បានទទួលស្គាល់ថា ស្ថានភាពនៅសមរភូមិភាគខាងកើតអ៊ុយក្រែនជួបការលំបាក ហើយរុស្ស៉ីកំពុងឈានទៅមុខ។ ប៉ុន្តែប្រធានាធិបតីរុស្ស៉ី លោក វ្ល៉ាឌីមៀ ពូទីន មិនយល់ព្រមតាមអ្វីដែលមានក្នុងកិច្ចព្រមព្រៀងសន្តិភាពនោះទេ។ លោក ហ្សេលេនស្គី គូសបញ្ជាក់ដូច្នេះថា «ក្នុងនាមជាប្រធានាធិបតីអ៊ុយក្រែន ខ្ញុំនឹងយកចិត្តទុកដាក់លេីការសន្ទនាជាមួយប្រធានាធិបតីសហរដ្ឋអាមេរិក ជាមួយនិងការគោរពដល់អ្នកចូលរួមយោបល់»។
ការអត្ថាធិប្បាយរបស់លោក ហ្សេលេនស្គី នៅពេលនេះហាក់បង្ហាញពីការសម្រេចចិត្តមួយ បន្ទាប់ពីលោក ដូណាល់ ត្រាំ ឈ្នះការបោះឆ្នោតប្រធានាធិបតីសហរដ្ឋអាមេរិក ខណៈកំពុងប្រឈមមុខនឹងសមរភូមិដ៏លំបាកជាមួយរុស្ស៉ី។ បេីតាមលោក ហ្សេលេនស្គី ច្បាប់របស់សហរដ្ឋអាមេរិក បានរារាំងរូបលោកពីការជួបប្រធានាធិបតីជាប់ឆ្នោត លោក ដូណាល់ ត្រាំ មុនពេលចូលកាន់តំណែងផ្លូវការ ប៉ុន្តែលោកប្តេជ្ញាថានឹងជជែកជាមួយលោក ត្រាំ ដោយផ្ទាល់ ជាជាងជាមួួយមន្រ្តីទូត ឬទីប្រឹក្សារបស់លោក ត្រាំ៕
