(មូស្គូ)៖ ប្រធានាធិបតីរុស្ស៊ី លោក វ្ល៉ាឌីមៀ ពូទីន បានចោទប្រកាន់លោកខាងលិចថា កំពុងជំរុញឱ្យរុស្ស៊ីឱ្យដើរហួស «បន្ទាត់ក្រហម» ដែលជាស្ថានភាពដែលរុស្ស៊ីបានព្រមានថា នឹងមិនអត់ឱនឱ្យឡើយ ហើយនឹងចាត់វិធានការឆ្លើយតប។​ នេះបើយោងតាមការចេញផ្សាយដោយ ទីភ្នាក់ងារសារព័ត៌មាន Reuters។

ក្នុងកិច្ចប្រជុំមួយជាមួយមន្ត្រីការពារជាតិ លោក ពូទីន បានសម្តែងការព្រួយបារម្ភ អំពីការវិវឌ្ឈន៍ និងការដាក់ពង្រាយមីស៊ីលរបស់សហរដ្ឋអាមេរិក។ លោកបានព្រមានថា រុស្ស៊ីនឹងលុបចោលការរឹតបន្តឹង លើការដាក់ពង្រាយមីស៊ីលរបស់ខ្លួន ប្រសិនបើអាមេរិកបន្តដាក់ពង្រាយមីស៊ីល។

ទោះជាយ៉ាងណា លោក ពូទីន បានបញ្ជាក់ថា អាវុធនុយក្លេអ៊ែររបស់រុស្ស៊ី គឺសម្រាប់តែការពារប៉ុណ្ណោះ​។ ទន្ទឹមគ្នានោះ លោកបានគូសបញ្ជាក់ថា កងកម្លាំងរុស្ស៊ីនៅអ៊ុយក្រែន បានគ្រប់គ្រងការតាំងទីលំនៅចំនួន ១៨៩ នៅឆ្នាំនេះ៕