(ប៉េកាំង)៖ ថ្ងៃទី៣០ ខែមីនា កិច្ចប្រជុំថ្នាក់រដ្ឋមន្ត្រីក្រសួងសេដ្ឋកិច្ច និងពាណិជ្ជកម្មលើកទី១៣ រវាងប្រទេសចិន ជប៉ុននិងកូរ៉េខាងត្បូងបើកធ្វើនៅក្រុងសេអ៊ូល។ លោក Wang Wentao រដ្ឋមន្ត្រីក្រសួងពាណិជ្ជកម្មចិន លោក Ahn Duk-geun មន្ត្រីឧស្សាហកម្ម និងធនធានពាណិជ្ជកម្មកូរ៉េខាងត្បូង និងលោក Yoji Mutoរដ្ឋមន្ត្រីឧស្សាហកម្មសេដ្ឋកិច្ចជប៉ុន បានធ្វើជាំសហអធិបតីក្នុងកិច្ចប្រជុំ។

ជុំវិញការអនុវត្តគំនិតឯកភាពសំខាន់ៗផ្នែកសេដ្ឋកិច្ច និងពាណិជ្ជកម្មនៃកិច្ចប្រជុំថ្នាក់ដឹកនាំ លើកទី៩ រវាងប្រទេសចិន ជប៉ុននិងកូរ៉េខាងត្បូង កិច្ចប្រជុំបានផ្លាស់ប្តូរមតិយោបល់ដោយស៊ីជម្រៅ និងសម្រេចបាននូវគំនិតឯកភាពយ៉ាងទូលំទូលាយ ស្តីពីការបង្កើនវិនិយោគ និងសហប្រតិបត្តិការផ្នែកពាណិជ្ជកម្ម និងកិច្ចសហប្រតិបត្តិការក្នុងតំបន់និងពហុភាគី។

ស្ថាប័នសេដ្ឋកិច្ចនិងពាណិជ្ជកម្មនៃប្រទេសទាំង៣ បានឯកភាពជាឯកច្ឆ័ន្ទក្នុងការបង្កើនកិច្ចសហប្រតិបត្តិការ ក្រោមក្របខណ្ឌតំបន់និងពហុភាគីដូចជា អង្គការពាណិជ្ជកម្មពិភពលោក អង្គការពាណិជ្ជកម្មពិភពលោក កិច្ចព្រមព្រៀងភាពជាដៃគូសេដ្ឋកិច្ច ដោយគ្រប់ជ្រុងជ្រោយក្នុងតំបន់ និងអង្គការសហប្រតិបត្តិការសេដ្ឋកិច្ចអាស៊ីប៉ាស៊ីហ្វិក និងបានពិភាក្សាអំពីការពន្លឿន ការចរចាលើកិច្ចព្រមព្រៀងពាណិជ្ជកម្មសេរី រវាងចិន-ជប៉ុន-កូរ៉េខាងត្បូង បង្កើនកិច្ចសហប្រតិបត្តិការខ្សែសង្វាក់ផ្គត់ផ្គង់ និងកិច្ចសន្ទនាលើការគ្រប់គ្រងការនាំចេញ ធ្វើឱ្យកិច្ចសហប្រតិបត្តិការ ផ្នែកសេដ្ឋកិច្ចឌីជីថលនិងសេដ្ឋកិច្ចបៃតងមានភាពស៊ីជម្រៅ បង្កើនកិច្ចសហប្រតិបត្តិការក្នុងតំបន់ ដូចជាកិច្ចប្រជុំផ្លាស់ប្តូរបច្ចេកទេសសេដ្ឋកិច្ច តាមបណ្ដោយសមុទ្រលឿង ដើម្បីបង្កើតបរិយាកាសធ្វើអាជីវកម្មដ៏ល្អ សម្រាប់សហប្រតិបត្តិការសហគ្រាស។

បន្ទាប់ពីកិច្ចប្រជុំ ស្ថាប័នសេដ្ឋកិច្ចនិងពាណិជ្ជកម្ម នៃប្រទេសទាំង៣បានរួមគ្នា ចេញផ្សាយ «សេចក្តីថ្លែងការណ៍រួម នៃកិច្ចប្រជុំថ្នាក់រដ្ឋមន្ត្រីសេដ្ឋកិច្ច និងពាណិជ្ជកម្មលើកទី១៣រវាងចិន-ជប៉ុន-កូរ៉េខាងត្បូង»៕

វិទ្យុមិត្តភាពកម្ពុជាចិន