(ប៉ារីស)៖ ប្រធានាធិបតីបារាំង លោក Francois Hollande នឹងធ្វើទស្សនកិច្ច ទៅកាន់ប្រទេស ចិន ក្នុងថ្ងៃទី២ដល់ថ្ងៃទី៣ ខែវិច្ឆិកាខាងមុខ ដើម្បីតបតាមការអញ្ជើញពី សំណាក់សមភាគីចិន គឺលោកប្រធានាធិបតី Xi Jinping ក្នុងរបៀបវីរៈមួយ ដែលផ្តោតសំខាន់ ទៅលើការប្រែប្រួលអាកាសធាតុ នេះបើយោងតាមព័ត៌មាន ពីការិយាល័យផ្ទាល់ របស់លោក Hollande ដកស្រង់ដោយសារព័ត៌មាន Bangkok Post ចេញផ្សាយនៅថ្ងៃទី២៧ ខែតុលា ឆ្នាំ២០១៥នេះ។
ជាមួយគ្នានេះដែរ មេដឹកនាំបារាំងរូបនេះ ក៏នឹងធ្វើទស្សនកិច្ចនៅប្រទេស កូរ៉េខាងត្បូង ផងដែរនៅដើម្បី រំលឹកខួបលើកទី១៣០ នៃទំនាក់ទំនងការទូតរវាងបារាំង និងកូរ៉េខាងត្បូង។ សូមជម្រាបថា លោក Hollande ធ្លាប់បានសង្កត់ធ្ងន់ពីតួនាទីរបស់ចិន លើកបញ្ហាប្រែម្រួលអាកាសធាតុ ដែលមានចំនួនប្រជាជនច្រើន និងបានបំពុលបរិយាកាសខ្ពស់បំផុត នៅលើពិភពលោក៕
