(ភ្នំពេញ)៖ លោកស្រីកិត្តិសង្គហបណ្ឌិត ម៉ែន សំអន ឧបនាយករដ្ឋមន្រ្តី រដ្ឋមន្រ្តីក្រសួងទំនាក់ទំនងជាមួយរដ្ឋសភា-ព្រឹទ្ធសភា និងអធិការកិច្ច បានទទួលអង្ករ ២តោន ទឹកត្រី និងទឹកស៊ីអ៉ីវ ៥០យួរ ដែលជាអំណោយរបស់លោក ជែម ផាក នាយកប្រតិបត្តិ ក្រុមហ៊ុន អេឡេហ្វេន ខេ អ ស៊ី សឺវីស ឯ.ក តាមរយៈលោក ចាន់ កុលបុត្រ រដ្ឋលេខាធិការ ក្រសួងទំនាក់ទំនងជាមួយរដ្ឋសភា-ព្រឹទ្ធសភា និងអធិការកិច្ច ដើម្បីចូលរួមក្នុងយុទ្ធនាការប្រយុទ្ធប្រឆាំង នឹងជំងឺកូវីដ១៩ ដល់ខេត្តស្វាយរៀង នាព្រឹកថ្ងៃទី៣ ខែវិច្ឆិកា ឆ្នាំ២០២១។
ជាមួយគ្នានេះ លោកស្រីបណ្ឌិត ម៉ែន សំអន បានកោតសរសើរសប្បុរសជនជាម្ចាស់អំណោយ នៃក្រុមហ៊ុន អេឡេហ្វេន ខេ អ ស៊ី សឺវីស ឯ.ក ដែលបានចូលរួមចំណែកជាមួយខេត្តស្វារៀង ក្នុងស្មារតី និងកាយវិការមនុស្សធម៌ ក៏ដូចជាការរួមចំណែកជាមួយរាជរដ្ឋាភិបាលកម្ពុជា ដែលមានសម្ដេចតេជោ ហ៊ុន សែន បានយកចិត្តទុកដាក់យ៉ាងខ្លាំងចំពោះវិធានការចំណាត់ការក្នុងការបង្ការទប់ស្កាត់ជំងឺកូវីដ១៩ ដែលធ្វើឱ្យប៉ះពាល់ដល់សុខភាព អាយុជីវិតរបស់ប្រជាពលរដ្ឋ និងសេដ្ឋកិច្ចសង្គម នៅក្នុងទូទាំងប្រទេស។
លោកស្រីបណ្ឌិត ម៉ែន សំអន ក៏បានថ្លែងអំណរគុណយ៉ាងជ្រាលជ្រៅ ចំពោះសប្បុរជនទាំងអស់ដែលបានចូលរួមបរិច្ចាគនូវទ្រព្យធនរបស់ខ្លួន ដើម្បីចូលរួមជាមួយរាជរដ្ឋាភិបាល ជួយដល់ការងារមនុស្សធម៌ ក៏ដូចជាការបង្ការ និងទប់ស្កាត់ជំងឺកូវីដ១៩ ដើម្បីចូលរួមកាត់ផ្តាច់នូវការចម្លងដែលកើតចេញពីព្រឹត្តិការណ៍សហគមន៍ ២០កុម្ភៈនេះ៕
