(ភ្នំពេញ)៖ នៅវេលាម៉ោង ២៖៣០នាទីរសៀល ថ្ងៃទី១២ ខែមីនា ឆ្នាំ២០១៥នេះ លោក ជាម យៀប សមាជិកគណៈកម្មាធិការអចិន្រ្តៃយ៍រដ្ឋសភា និងជា ប្រធានគណៈកម្មការសេដ្ឋកិច្ច ហិរញ្ញវត្ថុ ធនាគារ និងសវនកម្ម បានធ្វើសន្និសីទកាសែតមួយ ដើម្បីឆ្លើយតបទៅនឹងការលើកឡើង របស់លោក សុន ឆ័យ តំណាងរាស្រ្ត CNRP ស្តីពីការចំណាយនៅក្នុងរដ្ឋសភា។
សន្និសីទនេះបានធ្វើឡើងតែ ៣ថ្ងៃប៉ុណ្ណោះ បន្ទាប់ពី លោក សុន ឆ័យ ផ្តល់បទសម្ភាសន៍ ប្រាប់អ្នកកាសែតថា រដ្ឋសភាបានប្រើប្រាស់ថវិកាក្នុង ១ ឆ្នាំប្រមាណ ១១,៥ លានដុល្លារ ទៅលើសេវាកម្ម ដោយគ្មានការត្រួតពិនិត្យត្រឹមត្រូវ ហើយថា លោកបានរកឃើញភាពមិនប្រក្រតីនៃចំនួនបុគ្គលិក រួមនិងបញ្ហាគ្រួសារនិយមនៅក្នុងរដ្ឋសភា៕
