(ភ្នំពេញ)៖ ព្រះករុណា ព្រះបាទ សម្តេចព្រះបរមនាថ នរោត្តម សីហមុនី បានសព្វព្រះរាជហឫទ័យ ត្រាស់បង្គាប់តែងតាំងលោក យឹម ស៊ីណន ជាអនុរដ្ឋលេខាធិការក្រសួងការងារ និងបណ្តុះបណ្តាលវិជ្ជាជីវៈ។
ការត្រាស់បង្គាប់តែងតាំង បានធ្វើឡើងនៅថ្ងៃទី២២ ខែមេសា ឆ្នាំ២០២៣នេះ។
សូមបញ្ជាក់ថា លោក យឹម ស៊ីណន ជាអតីតប្រធានយុវជនអតីតគណបក្សសង្គ្រោះជាតិប្រចាំប្រទេសកូរ៉េខាងត្បូង ដែលជាអ្នកប្រឆាំងដ៏ខ្លាំងក្លាមួយចំពោះគណបក្សប្រជាជនកម្ពុជា និងរាជរដ្ឋាភិបាល។
នៅថ្ងៃទី២១ ខែមេសា ឆ្នាំ២០២៣ លោកបានសម្រេចចិត្តចូលរួមជីវភាពនយោបាយ ជាមួយគណបក្សប្រជាជនកម្ពុជា។ លោក ព្រមទាំងភរិយា និងកូនៗ ត្រូវបានសម្តេចតេជោអនុញ្ញាតឱ្យជួបដោយផ្ទាល់នៅគេហដ្ឋាន ក្រោយពេលប្រកាសចូលរួមជីវភាពនយោបាយជាមួយបក្សប្រជាជនកម្ពុជា៕
