(ភ្នំពេញ)៖ នៅសល់តែ ២ថ្ងៃទៀតប៉ុណ្ណោះ កម្មវិធីអប់រំសីលធម៌ព្រះពុទ្ធសាសនា បំបួសកុលបុត្រ កុលធីតា ចំនួន ៥០០ អង្គ/នាក់ រយៈពេល៧ថ្ងៃ វគ្គទី១១ ឆ្នាំទី១១ នៅវត្តភ្នៀតសិម្ពលី នឹងឈានមកហើយ។ ពិធីបើកម្មវិធីបំបួស និងប្រព្រឹត្តនៅថ្ងៃទី៣០ ខែមិថុនា ឆ្នាំ២០២៤ ក្រោមអធិបតីភាព លោក ចាយ បូរិន រដ្ឋមន្រ្តីក្រសួងធម្មការ និងសាសនា រួមជាមួយគណៈសង្ឃនាយកនៃព្រះរាជាណាចក្រកម្ពុជា។
កម្មវិធីអប់រំសីលធម៌ ព្រះពុទ្ធសាសនា បំបួសកុលបុត្រ កុលធីតា វគ្គទី១១នេះ នឹងចាប់ផ្តើមពីថ្ងៃទី២៩ ខែមិថុនា ដល់ទី៧ ខែកក្កដា ឆ្នាំ២០២៤ ដឹកនាំរៀបចំដោយ ព្រះសិរីកោសល សុំ សុខា ឧត្តមទីប្រឹក្សាគណៈសង្ឃនាយក នៃព្រះរាជាណាចក្រកម្ពុជា សមាជិកលេខាធិការដ្ឋាន គណៈសង្ឃនាយក ព្រះវិន័យធរគណរាជធានីភ្នំពេញ ព្រះគ្រូអនុគណខណ្ឌកំបូល ព្រះចៅអធិការ វត្តភ្នៀតសិម្ពលី និងជាព្រះប្រធានពុទ្ធិកសមាគមកម្ពុជរដ្ឋ។
ប្រសិនបើពុទ្ធបរិស័ទប្រុសស្រី យុវជន យុវនារី ដែលមានបំណងប្រាថ្នាសាងផ្នួសបួសអប់រំចិត្ត គំនិត រយៈពេលខ្លី សូមទំនាក់ទំនងទៅកាន់អាសយដ្ឋានដូចខាងក្រោម៖
* ១៖ វត្តភ្នៀតសិម្ពលី សង្កាត់ស្នោរ ខណ្ឌកំបូល រាជធានីភ្នំពេញ ទូរសព្ទលេខ ០១០ ៩៩៣ ២២២ ឬ ០៨១ ៦៤២ ៤៤៣ ។
* ២៖ ពុទ្ធិកសមាគមកម្ពុជរដ្ឋ ស្ថិតនៅបរិវេណពុទ្ធិកវិទ្យាល័យព្រះសុរាម្រឹត តិរវិថីព្រះស៉ីសុវត្ថិ ខាងកើតជាប់តុលាការកំពូល ទូរសព្ទលេខ ០១២៥៩៤៧៧៥ ឬ ០១២៦០៤៨៤៩ ៕
