(ភ្នំពេញ)៖ ព្រះវិជ្ជាកោវិទ សាន ភារ៉េត នាព្រឹកថ្ងៃទី៦ ខែកក្កដា ឆ្នាំ២០២៤ បាននិមន្តឧទ្ទេសនាម ដល់ សិក្ខា កាម កម្មវិធី អប់រំ សីលធម៌ ព្រះពុទ្ធសាសនា បំបួសកុលបុត្រ កុលធីតា ចំនួន ៦៣០ អង្គ /នាក់ វគ្គទី១១ ឆ្នាំ ១១ វត្តភ្នៀតសិម្ពលី ប្រធានបទ តួនាទីពុទ្ធបរិស័ទ ក្នុងព្រះពុទ្ធសាសនា ។
កម្មវិធីអប់រំសីលធម៌ ព្រះពុទ្ធសាសនា បំបួសកុលបុត្រ កុលធីតា វគ្គទី១១ ចាប់ផ្តើមពីថ្ងៃទី២៩ ខែមិថុនា ដល់ទី៧ ខែកក្កដា ឆ្នាំ២០២៤ ដឹកនាំរៀបចំដោយ ព្រះសិរីកោសល សុំ សុខា ឧត្តមទីប្រឹក្សាគណៈសង្ឃនាយក នៃព្រះរាជាណាចក្រកម្ពុជា សមាជិកលេខាធិការដ្ឋាន គណៈសង្ឃនាយក ព្រះវិន័យធរគណរាជធានីភ្នំពេញ ព្រះគ្រូអនុគណខណ្ឌកំបូល ព្រះចៅអធិការ វត្តភ្នៀតសិម្ពលី និងជាព្រះប្រធានពុទ្ធិកសមាគមកម្ពុជរដ្ឋ៕
