(ប៉ារីស, បារាំង)៖ បន្ទាប់ពីបានធ្វើដំណើរលើចម្ងាយផ្លូវដ៏វែងឆ្ងាយដោយផ្តើម​ចេញ​ពីរោងចក្រនៅក្រុងឆុងឈីង ប្រទេសចិន រថយន្តអគ្គិសនីដ៏ប្រណិតចំនួន៣ប្រភេទ របស់ក្រុមហ៊ុន AITO បានធ្វើដំណើរដល់ក្រុងប៉ារីស ប្រទេសបារាំង និងត្រូវបានបង្ហាញវត្តមានជាមួយប្រណិត និងរឹងមាំ នៅក្នុងពិព័រណ៍រថយន្តលើកទី៩០ នៅកណ្តាលក្រុងប៉ារីស ប្រទេសបារាំង។

នៅថ្ងៃទី១៤ ខែតុលា ក្រោមប្រធានបទ «ភាពឆ្លាតវៃ ការច្នៃប្រឌិត ប្រណិតភាព (Intelligence Redefining Luxury)» AITO បានតាំងបង្ហាញផលិតផលឧស្សាហកម្មឈានមុខគេ និងភាពជឿន​លឿន​ផ្នែកបច្ចេកវិទ្យារបស់ខ្លួន ទៅកាន់ទស្សនិកជនទូទាំងពិភពលោក។ លោក លី បូ អនុប្រធានក្រុមហ៊ុន AITO គ្រុប បានឱ្យដឹងថា មុននឹងបង្ហាញវត្តមាននៅក្នុងពិព័រណ៍រថយន្តនៅក្រុងប៉ារីស រថយន្តអគ្គិសនីរបស់ AITO ដែលរួមមានរថយន្ត AITO 9, AITO 7 និង AITO 5 បានធ្វើដំណើរ​ឆ្លង​កាត់ទ្វីបអឺរ៉ុប ក្នុងចម្ងាយផ្លូវ ១៥,០០០គីឡូម៉ែត្រ ដោយប្រើពេល៣៨ថ្ងៃ និងឆ្លងកាត់បណ្តាប្រទេស​ចំនួន១២។

កាន់តែពិសេសនោះ គឺរថយន្ត​ម៉ាក AITO 9 ដែលជាសមាជិកសំខាន់នៅក្នុងកម្មវិធី «Eurasian Tour with AITO» ត្រូវបានដាក់តាំង​បង្ហាញ។ AITO 9 បានបំពេញបេសកកម្មដ៏វែងឆ្ងាយពីទីក្រុងឆុងឈីង ប្រទេសចិន ទៅកាន់ទីក្រុងប៉ារីស ប្រទេសបារាំង ជាមួយការបង្ហាញពីសមត្ថភាពយ៉ាងអស្ចារ្យនៃម៉ាករថយន្ដរបស់ AITO ដែលបានបើក​ឆ្លង​កាត់​ស្ថានភាពផ្លូវស្មុគស្មាញ និងស្ថានភាពលំបាក។

ជាពិសេសនៅក្នុងតំបន់ដែលពិបាករកកន្លែងបញ្ចូលភ្លើង រថយន្ដអាចរក្សាបានការផ្គត់ផ្គង់ថាមពល​ដែល​អាចទុកចិត្តបាន ដែលជាបញ្ហាប្រឈមដ៏ធំបំផុតមួយសម្រាប់រថយន្តអគ្គិសនី ក្នុងអំឡុងព្រឹតិ្តការណ៍ «Eurasian Tour with AITO»។ តែទោះជាយ៉ាងណា បច្ចេកវិទ្យា Range-extender របស់ AITO បានជ​ម្នះលើដែនកំណត់នៃការបញ្ចូលភ្លើង ហើយផ្តល់នូវបទពិសោធន៍នៃការបើកបររថយន្ត​អគ្គិសនី​សុទ្ធ។ វាបានដោះស្រាយការព្រួយបារម្ភជាមួយមុខងារបើកបរផ្លូវឆ្ងាយ ដោយសារតែមានបំពាក់ រចនា​សម្ព័ន្ធ​រូបរាងដ៏រឹងមាំអាគុយ 5-layer battery insulation រួមទាំងមុខងារសុវត្ថិភាពសកម្មចំនួន២០ ដែលធ្វើឱ្យការធ្វើដំណើរតាមផ្លូវប្រកបដោយសុវត្ថិភាព។

បច្ចេកវិទ្យាជំនួយការបើកបរឆ្លាតវៃ AITO បានបង្ហាញនូវសារៈសំខាន់សម្រួលដល់អ្នកបើកបរ និងជួយ​សម្រាល​ភាពនឿយហត់ក្នុងការធ្វើដំណើរផ្លូវឆ្ងាយលើរយៈចម្ងាយផ្លូវ ៨,៨០០គីឡូម៉ែត្រ​នៃការធ្វើដំណើរ​សរុប ១៥,០០០គីឡូម៉ែត្រ។ ជាងនេះទៅទៀត ប្រព័ន្ធចតរថយន្តឆ្លាតវៃរបស់ AITO បានបង្ហាញនូវ​ដំណើរ​ការដ៏ប៉ិនប្រសប់ដោយធ្វើឱ្យអ្នកបើកបរងាយស្រួលក្នុងការចតរថយន្ត ទោះកន្លែងចតតូចចង្អៀតក៏ដោយ។ ជាមួយជំនួយបញ្ជាការចតពីចម្ងាយ អ្នកបើកបរអាចជ្រើសរើសកន្លែងចតរថយន្ត និងអនុញ្ញាតឱ្យរថយន្ត​បញ្ចប់ដំណើរការដោយស្វ័យប្រវត្តិ ដែលជាមុខងារមួយបានទាក់ទាញការចំណាប់អារម្មពីប្រជាជននៅតាម​តំបន់ដែលកម្មវិធីដំណើរកម្សាន្តត្រូវឆ្លងកាត់។

ក្នុងនាមជារថយន្ដអគ្គិសនីឆ្លាតវៃ AITO 9 បានបង្ហាញពីដំណើរការដ៏អស្ចារ្យរបស់ខ្លួននៅក្នុងស្ថាន​ភាព​ដ៏លំបាកអំឡុងការធ្វើដំណើរ។ រថយន្ដនេះបានប្រឈមមុខនឹងកាលៈទេសៈ លំបាកៗ ស្ថានភាព​ស្មុគ​ស្មាញ សីតុណ្ហភាពក្ដៅ និងតំបន់ខ្ពង់រាប រហូតដល់តំបន់វាលខ្សាច់។ ដោយមានបំពាក់បច្ចេកវិទ្យាទំនើប និងមុខងារសុវត្ថិភាពដ៏ទូលំទូលាយ សមត្ថភាព របស់ AITO 9 បានឆ្លងកាត់ការធ្វើតេស្ដយ៉ាងហ្មត់ចត់។ ដោយទទួលបានការគាំទ្រពីអតិថិជន និងទីផ្សារ ក្រុមហ៊ុនទទួលបានការបញ្ជាទិញរថយន្ដ AITO 9 ច្រើនជាង ១៤០,០០០គ្រឿង ហើយក្នុងនោះមាន ១០០,០០០គ្រឿង ត្រូវបានលក់ចេញក្នុងរយៈពេល៩ខែ បន្ទាប់ពីប្រកាសដាក់លក់ ដោយជាប់ចំណាត់ថ្នាក់លេខ៣ ក្នុងការលក់ក្នុងចំណោម ម៉ូដែលដែលមានតម្លៃ​លើសពី ៦០,០០០អឺរ៉ូក្នុងទីផ្សាររបស់ចិន។

ដោយឡែក រថយន្ដ AITO 7 វិញ អាចសម្របខ្លួនបានយ៉ាងងាយស្រួលទៅនឹងគ្រប់ស្ថានភាព​នៃការ​ធ្វើដំណើរជាលក្ខណៈគ្រួសារ។ មានការកោតសរសើរយ៉ាងខ្លាំង ក្នុងអំឡុងព្រឹត្តិការណ៍ «Eurasian Tour with AITO» សម្រាប់សម្រាប់កន្លែងអង្គុយប្រកបដោយផាសុខភាព ដោយភ្ជាប់ជាមួយ​នូវកៅអីម៉ាស្សា​ទាំងមុខ និងទាំងក្រោយ ដែលអាចកាត់បន្ថយភាពអស់កម្លាំងនៅពេលបើកបរតាមផ្លូវ។ រថយន្តនេះមាន​បំពាក់​ពោងសុវត្ថិភាពចំនួន៨ និងអាគុយមានសមត្ថភាពខ្ពស់ ដើម្បីធានាសុវត្ថិភាព ក្នុងគ្រប់លក្ខ​ខណ្ឌទាំង​អស់។

សម្រាប់ AITO 5 គឺជារថយន្តប្រភេទ Sport SUV ធុនកណ្តាលទាន់សម័យ ដែលមានការរចនាម៉ូតបែប​ស្ព័រ និងមាននឹងរូបរាងស្អាត ហើយមានកម្លាំងខ្លាំង។ រថយន្ដនេះអាចការបង្កើនល្បឿនពី ០ ទៅ ១០០គីឡូ​ម៉ែត្រ​ក្នុងមួយម៉ោង ត្រឹមរយៈពេល ៥វិនាទី។ ទាក់ទងនឹងលក្ខណៈពិសេសដ៏ឆ្លាតវៃ រថយន្ដនេះត្រូវបាន​បំពាក់​ដោយប្រព័ន្ធជំនួយអ្នកបើកបរ ការចតដោយស្វ័យប្រវត្តិ កំណត់កន្លែងចតពីចម្ងាយ​ដែលនាំឱ្យអ្នក​បើកបរទាំងមានភាពងាយស្រួល និងសុវត្ថិភាពកាន់តែប្រសើរឡើង។

រថយន្ដរបស់ AITO មានលក្ខណៈពិសេសស្នូលចំនួន៤រួមមាន៖ សុវត្ថិភាព និងឆ្លាតវៃ, ថាមពល​អគ្គិសនី​ចម្រុះ, កន្លែងអង្គុយអាចផ្លាស់ប្ដូរបាន និងភាពវៃឆ្លាតឈានមុខ។ កម្មវិធីទាំងនេះគាំទ្រ ជម្រើសថាមពលច្រើនក្នុងរួមមាន Super Range-extended Electric, Battery Electric និង Ultra Hybrid។ វាគឺកម្មវិធីតែមួយគត់នៅក្នុងឧស្សាហកម្ម ដែលអាចប្រើបាន ជាមួយប្រព័ន្ធថាមពលថ្មី​ទាំង៣ ដែលផ្តល់នូវបទពិសោធន៍នៃការបើកបរដោយ «រីករាយ ងាយស្រួល និងសុវត្ថិភាព» សម្រាប់អ្នក​បើកបរ។

សូមបញ្ជាក់ថា ជាមួយនឹងការបង្ហាញវត្តមានលើទឹកដីអឺរ៉ុប ក៏ដូចជាក្នុងពិព័រណ៍រថយន្តក្នុងទីក្រុងប៉ារីស ប្រទេសបារាំងនេះ ក្រុមហ៊ុន AITO នឹងចាប់ផ្តើមបើកលក់រថយន្តអគ្គិសនីដ៏ប្រណិត ជាមួយបច្ចេកវិទ្យាដ៏អស្ចារ្យនៅក្នុងប្រទេសកម្ពុជា ជាមួយក្រុមហ៊ុន SDB ដែលជាក្រុមហ៊ុនចែកចាយរថយន្តប្រណីតៗនៅក្នុងប្រទេសកម្ពុជា៕