(កណ្តាល)៖ ក្រុមចោរប្លន់នៅក្នុងភូមិសាស្ត្រស្រុកស្អាង និងស្រុកកោះធំ ត្រូវកម្លាំងនគរបាលស្រុកស្អាង បើកប្រតិបត្តិការស្រាវជ្រាវ រហូតបង្ក្រាបបានជាបន្តបន្ទាប់ ចំនួន៩នាក់។
ប្រតិបត្តិការបង្ក្រាបក្រុមចោរប្លន់នេះ បានធ្វើឡើងនាថ្ងៃទី២៨ ខែតុលា ឆ្នាំ២០២៤ នៅចំណុចផ្ទះគេទុកចោល១កន្លែង ស្ថិតនៅក្នុងភូមិអន្លង់តាសេក ឃុំព្រែកអំបិល ស្រុកស្អាង ខេត្តកណ្តាល។ ក្រោយចាប់ខ្លួនពួកគេ នគរបាលរកឃើញអាវុធសម្រាប់ប្រហារ ប្រើប្រាស់គ្រឿងញៀន និងមានខ្លះធ្លាប់មានប្រវត្តិឆក់ទូរស័ព្ទកាប់ប្លន់យកម៉ូតូអ្នកដំណើរ។
លោកវរសេនីយ៍ឯក រស់ ចាន់ថា អធិការនគរបាលស្រុកស្អាង បានឱ្យដឹងថា កន្លងមកជនសង្ស័យ តែងតែជួបជុំគ្នាប្រើប្រាស់គ្រឿងញៀន និងបង្ករភាពអណាធិបតេយ្យក្នុងមូលដ្ឋាន។ លុះនៅវេលាម៉ោងកើតហេតុខាងលើកម្លាំង ជំនាញព្រហ្មទណ្ឌស្រុក បានសហការជាមួយកម្លាំងប៉ុស្តិ៍នគររដ្ឋបាលព្រែកអំបិល បានស្រាវជ្រាវស្វែងរកក្រុមជនសង្ស័យឃើញកំពុងតែជួបជុំគ្នាប្រើប្រាស់គ្រឿងញៀន នៅទីតាំងខាងលើបន្ទាប់កម្លាំងសមត្ថកិច្ចបានធ្វើការឃាត់ខ្លួន និងបានឆែកឆេរឃើញវត្ថុតាងខាងលើនៅទីនោះ និងធ្វើការនាំខ្លួនជនសង្ស័យយកមកប៉ុស្តិ៍ដើម្បីធ្វើការសាកសួរ។
នៅចំពោះមុខសមត្ថកិច្ច ជនសង្ស័យបានសារភាពថា ពួកក្រុមខ្លួនតែងតែប្រមូលផ្តុំគ្នាប្រើប្រាស់គ្រឿងញៀននៅទីតាំងខាងលើពិតប្រាកដមែន និងយោងតាមចម្លើយសារភាពរបស់ឈ្មោះ ឌន ឧត្តម បានឆ្លើយថា ខ្លួនធ្លាប់ធ្វើសកម្មភាពឆក់ទូរស័ព្ទនៅក្រុងតាខ្មៅបានចំនួន០២លើក និងកាប់យកម៉ូតូនៅផ្លូវក្រវ៉ាត់ក្រុងទី៣ បានចំនួន០២លើក។
ជនសង្ស័យទាំង០៩នាក់រួមមាន៖
១- ឈ្មោះ មី រស្មី អាយុ២២ឆ្នាំ មានទីលំនៅភូមិអន្លង់តាសេកក្រោម ឃុំព្រែកអំបិ់ល ស្រុកស្អាង ខេត្តកណ្តាល
២- ឈ្មោះ ឌន ឧត្តុម អាយុ១៧ឆ្នាំ ភូមិអន្លង់តាសេកក្រោម ឃុំព្រែកអំបិល ស្រុកស្អាង ខេត្កណ្ដាល (អវិជ្ជមានសារធាតុញៀន
៣- ឈ្មោះ អេង គឹមហុង អាយុ១៨ឆ្នាំ នៅភូមិកញ្ចិល ឃុំកំពង់រាប ស្រុកព្រៃកប្បាស ខេត្តកណ្ដាល
៤- ឈ្មោះ ឡាក់ តុងឡេង អាយុ១៥ឆ្នាំ នៅភូមិស្វាយតាមាឃ ឃុំកោះធំ (ខ) ស្រុកកោះធំ ខេត្តកណ្ដាល
៥- ឈ្មោះ គាំង សារ៉ាត់ អាយុ១៥ឆ្នាំ នៅភូមិកំពង់លាវ ឃុំកំពង់រាប ស្រុកព្រៃកប្បាស ខេត្តតាកែវ( អវិជ្ជមានសារធាតុញៀន)
៦- ឈ្មោះ ធី សុធន់ អាយុ១៦ឆ្មាំនៅភូមិព្រែក ឃុំត្រើយស្លា ស្រុកស្អាង ខេត្តកណ្ដាល
៧- ឈ្មោះ ផៃ វិច្ឆិកា អាយុ១៥ឆ្នាំនៅភូមិអន្លង់តាសេកលើ ឃុំព្រែកអំបិល ស្រុកស្អាង ខេត្តកណ្ដាល (អវិជ្ជមានសារធាតុញៀន)
៨- ឈ្មោះ ជឿន ជាតិ អាយុ២៥ឆ្នាំ នៅភូមិអន្លង់ធំ ឃុំព្រែកអំបិល ស្រុកស្អាង ខេត្តកណ្ដាល
៩- ឈ្មោះ ឈឿន រតនា អាយុ២៥ឆ្នាំ ភូមិសំរោង ឃុំក្រាំងយ៉ូវ ស្រុកស្អាង ខេត្តកណ្ដាល។
វត្ថុតាងចាប់យកកាំបិតផ្កាក់ ផ្លែដែក ដងដែក ចំនួន០១ ដាវ ផ្លែដែក ដងឈើ ចំនួន០១ ញញួរដែក ចំនួន០១ និងសម្ភារៈសម្រាប់ប្រើប្រាស់គ្រឿងញៀន មួយចំនួនធំ៕
