(បន្ទាយមានជ័យ)៖ នៅព្រឹកថ្ងៃអាទិត្យ ទី១០ ខែវិច្ឆិកា ឆ្នាំ២០២៤ លោក កែ គឹមយ៉ាន និងលោកស្រី ម៉ៅ ម៉ាល័យ កែ គឹមយ៉ាន បានវេបច្ច័យ អង្គកឋិនទានសាមគ្គី ប្រគេន វត្តចមសទ្ធាវាស (ហៅវត្តស្វាយចាស់) ដើម្បីកសាងសមិទ្ធផលក្នុងទីអារាម ស្ថិតនៅភូមិ១ សង្កាត់ព្រះពន្លា ក្រុងសិរីសោភ័ណ ខេត្តបន្ទាយមានជ័យ ដែលផ្តួចផ្តើមរៀបចំដោយ លោក កែ គឹមយ៉ាន និងលោកស្រី ម៉ៅ ម៉ាល័យ លោកអភិសន្តិបណ្ឌិត ស សុខា និងភរិយា លោក ឌិត ទីណា និងភរិយា ក្រុមការងារចុះមូលដ្ឋានខេត្តបន្ទាយមានជ័យ រដ្ឋបាលខេត្តបន្ទាយមានជ័យ រួមនឹងពុទ្ធបរិស័ទជិតឆ្ងាយទាំងអស់។
សូមបញ្ជាប់ផងដែរថា បច្ច័យអង្គកឋិនទានសាមគ្គី នេះប្រមូលបានបច្ច័យសរុបចំនួន ៩៥២,៧០៤,០០០៛ នឹងបានវេប្រគេនបច្ច័យកសាងជូនវត្តចមសទ្ធាវាស (ហៅវត្តស្វាយចាស់) ក្នុងក្រុងសិរីសោភ័ណ វត្តប្រាសាទរលំជ្រៃ ក្នុងស្រុកថ្មពួក ខេត្តបន្ទាយមានជ័យ និងវត្តលលកស ក្នុងក្រុងពោធិ៍សាត់ ខេត្តពោធិ៍សាត់ផងដែរ៕
